ប៉េកាំង៖ បេសកជនចិន ប្រចាំអង្គការសហប្រជាជាតិ បានជំរុញឱ្យអ៊ីស្រាអែលបញ្ឈប់ការប្រមាថ “ដំណោះស្រាយរដ្ឋពីរ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Geng Shuang តំណាងអចិន្ត្រៃយ៍រងរបស់ចិនប្រចាំអង្គការសហប្រជាជាតិ បានប្រាប់មហាសន្និបាតអង្គការសហប្រជាជាតិថា “យើងជំរុញឱ្យអ៊ីស្រាអែល ឈប់ធ្វើឱ្យខូចគុណភាពដំណោះស្រាយរដ្ឋពីរ បញ្ឈប់ការលុបបំបាត់មូលដ្ឋាននៃដំណោះស្រាយរដ្ឋទាំងពីរ និងបញ្ឈប់សកម្មភាពតាំងទីលំនៅខុសច្បាប់” និងការប្រើប្រាស់សិទ្ធិវេតូ។
លោក Geng បានសង្កត់ធ្ងន់ថាជិតប្រាំខែបន្ទាប់ពីការផ្ទុះឡើងនៃជម្លោះហ្គាហ្សា ការអំពាវនាវរបស់ក្រុមប្រឹក្សាសន្តិសុខ សម្រាប់បទឈប់បាញ់ត្រូវបានរារាំងដោយបង្ខំដោយសហរដ្ឋអាមេរិកជាលើកទី៤ “ដែលប្រទេសចិនបានរកឃើញថា មានការខកចិត្តយ៉ាងខ្លាំង” ។
លោកបានបន្ថែមថា លទ្ធផលនៃការបោះឆ្នោតរបស់ក្រុមប្រឹក្សាសន្តិសុខបង្ហាញយ៉ាងច្បាស់ថា លើបញ្ហាទាមទារបទឈប់បាញ់នៅហ្គាហ្សា សមាជិកក្រុមប្រឹក្សាភាគច្រើនគឺយល់ព្រម។
លោកបានបន្ថែមថា “ទោះជាយ៉ាងណាក៏ដោយ សហរដ្ឋអាមេរិក គឺជាប្រទេសតែមួយគត់ ដែលបំពានអំណាចវេតូរបស់ខ្លួន ដើម្បីរារាំងការយល់ស្របរបស់ក្រុមប្រឹក្សា ដែលបណ្តាលឱ្យមានការមិនសប្បាយចិត្តយ៉ាងទូលំទូលាយនៅក្នុងសហគមន៍អន្តរជាតិ”៕ ប្រែសម្រួល ឈូក បូរ៉ា
