បរទេស ៖ យោងតាមការចេញផ្សាយរបស់ RT ឯកអគ្គរដ្ឋទូតក្រុងមូស្គូប្រចាំក្រុងវ៉ាស៊ីនតោន បានអះអាងថា ជោគជ័យសម្រាប់រុស្ស៊ីក្នុងជម្លោះអ៊ុយក្រែន នឹងធ្វើឲ្យអាមេរិក ចុះខ្សោយជាបន្តបន្ទាប់ ។
លោក Anatoly Antonov ក៏បានចោទប្រកាន់សហរដ្ឋអាមេរិក និងចក្រភពអង់គ្លេសដែលជាអ្នកតែងតែបានធ្វើការ រារាំងដល់ដំណោះស្រាយដោយ សន្តិវិធីនៃជម្លោះក្នុងអំឡុង ពេលដំណាក់កាលដំបូង នៃជម្លោះរវាងរុស្សីនិងអ៊ុយក្រែន។
នៅក្នុងបទសម្ភាសន៍ជាមួយទីភ្នាក់ងារសារព័ត៌មាន RIA Novosti ដែលបានចេញផ្សាយកាលពីថ្ងៃសៅរ៍ លោក Antonov បានចោទប្រកាន់សហរដ្ឋ អាមេរិកថាបានដើរតួនាទី ក្នុងភាពជាអវិជ្ជមានខ្លាំង នៅក្នុងជម្លោះនៅអ៊ុយក្រែន ដោយបានហៅទីក្រុងវ៉ាស៊ីនតោនថាជា អ្នកឧបត្ថម្ភភេរវកម្មនិងជា ប្រទេសដែលលើកទឹកចិត្តឱ្យមានឃាតកម្ម និងសង្គ្រាមផ្ទុះឡើង។
អ្នកការទូតរុស្ស៊ីរូបនេះក៏បានបន្ថែមទៀតផងដែរថា ៖នៅពេលដែលយើងឈានទៅមុខបន្ថែមទៀតនៅលើជួរមុខ អាមេរិកនឹងកាន់តែចុះខ្សោយ ហើយ សណ្តាប់ធ្នាប់ពិភពលោកចាស់ ដែលផ្អែកលើច្បាប់នឹងដួលរលំជាស្ថាពរ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
