ម៉ូស្គូ៖ ក្រសួងការពារជាតិរុស្ស៊ីបានបញ្ចេញវីដេអូដែលបង្ហាញពីការបំផ្លិចបំផ្លាញនៃឧទ្ធម្ភាគចក្រ Mi-8 របស់អ៊ុយក្រែន ជាមួយនឹងកាំជ្រួច 9K333 Verba ដែលអាចចល័តបានពីដីទៅអាកាស។
ក្រសួងការពារជាតិរុស្ស៊ីបានឲ្យដឹងថា កងកម្លាំងរុស្ស៊ីបានបាញ់ទម្លាក់ឧទ្ធម្ភាគចក្រ ដែលកំពុងហោះហើរលើទឹកដីអ៊ុយក្រែន ឆ្ពោះទៅកាន់ទីក្រុង Kozinka ក្នុងតំបន់ Belgorod ។
ក្រសួងបានឲ្យដឹងថា “នៅថ្ងៃទី១៧ ខែមីនា នៅជិតភូមិ Lukashovka ក្នុងតំបន់ Sumy អង្គភាពនៃកងទ័ពការពារព្រំដែនរដ្ឋនៃសហព័ន្ធរុស្ស៊ីបានបាញ់ទម្លាក់ឧទ្ធម្ភាគចក្រ Mi-8 របស់កងទ័ពអាកាសអ៊ុយក្រែន ដែលកំពុងហោះហើរ”។
ប្រព័ន្ធកាំជ្រួចមីស៊ីលពីដីទៅអាកាស 9K333 Verba របស់រុស្សី គឺជាដំណោះស្រាយការពារដ៏ទំនើប និងមានប្រសិទ្ធភាពខ្ពស់។ វាត្រូវបានរចនាឡើងដើម្បីប្រឆាំងនឹងការគំរាមកំហែងពីយន្តហោះដែលហោះហើរទាប ដូចជាឧទ្ធម្ភាគចក្រ និងយន្តហោះដ្រូនជាដើម៕ ប្រែសម្រួល ឈូក បូរ៉ា
