តូក្យូ ៖ រដ្ឋមន្ត្រីការបរទេសជប៉ុន លោកស្រី Yoko Kamikawa បានសន្យា ក្នុងការចាប់ផ្តើមក្របខ័ណ្ឌកិច្ចសន្ទនាថ្មីមួយ ដើម្បីចាប់ផ្តើមការចរចា លើសន្ធិសញ្ញាពហុជាតិ ដែលហាមប្រាមការផលិត សម្ភារនុយក្លេអ៊ែរ ដែលមានសក្តានុពល សម្រាប់ប្រើប្រាស់ក្នុងអាវុធ។
ជាមួយនឹងប្រទេសជប៉ុន កាន់តំណែងជាប្រធានក្រុមប្រឹក្សា សន្តិសុខអង្គការសហប្រជាជាតិ ប្រចាំខែសម្រាប់ខែមីនា លោកស្រី Kamikawa បានឲ្យដឹងនៅក្នុងសម័យប្រជុំ សង្ខេបមួយនៅទីក្រុងញូវយ៉កថា កិច្ចប្រជុំ ជាមួយប្រទេស ដែលមានគំនិតដូចគ្នា មានគោលបំណង “បង្កើនការយកចិត្តទុកដាក់ ផ្នែកនយោបាយ លើសន្ធិសញ្ញាកាត់ផ្តាច់សម្ភារៈ Fissile ដែលបានស្នើឡើង”។
លោកស្រីបានលើកឡើងថា “សហគមន៍អន្តរជាតិ កាន់តែបែកបាក់គ្នាអំពីរបៀបជំរុញ ការរំសាយអាវុធនុយក្លេអ៊ែរ។ យ៉ាងណាក៏ដោយ យើងត្រូវជំរុញកិច្ចខិតខំប្រឹង ប្រែងជាក់ស្តែង និងជាក់ស្តែងជាលំដាប់ឆ្ពោះទៅរកពិភពលោក ដែលគ្មានអាវុធនុយក្លេអ៊ែរ”។
ចំណាត់ការនេះកើតឡើង ចំពេលដែលចិន កំពុងស្តុកទុកអាវុធនុយក្លេអ៊ែរ និងស្តុកទុក ខណៈការភ័យខ្លាចថារុស្ស៊ី អាចប្រើអាវុធបែបនេះ ក្នុងសង្គ្រាមជាមួយអ៊ុយក្រែន ហើយកូរ៉េខាងជើង អាចនឹងធ្វើតេស្ដនុយក្លេអ៊ែរលើកទី៧ របស់ខ្លួន ដែលជាលើកដំបូងចាប់តាំងពីខែកញ្ញា ឆ្នាំ២០១៧៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
