បរទេស៖ រដ្ឋមន្ត្រីការបរទេស នៃបណ្តាប្រទេសអឺរ៉ុប កណ្តាលចំនួន៥ បានជួបប្រជុំគ្នានៅប្រទេសស្លូវេនី ហើយបានស្វាគមន៍ ចំពោះដំណោះស្រាយរបស់ក្រុមប្រឹក្សាសន្តិសុខ អង្គការសហប្រជាជាតិ (UN) ស្តីពីតំបន់ហ្គាហ្សា ដែលបានអនុម័តកាលពីថ្ងៃចន្ទ។
រដ្ឋមន្ត្រីការបរទេសស្លូវេនី Tanja Fajon បានប្រាប់សន្និសីទសារព័ត៌មានរួមគ្នាថា “យើងសង្ឃឹមថា ដោយសារដំណោះស្រាយនេះ ការផ្គត់ផ្គង់ជំនួយដល់ជនស៊ីវិល នឹងត្រូវបានពង្រឹង ហើយវានឹងនាំទៅរកសន្តិភាព យូរអង្វែងនៅក្នុងតំបន់ហ្គាហ្សា និងសមភាគីស្លូវ៉ាគី។
សេចក្តីសម្រេចរបស់អង្គការសហប្រជាជាតិ ទាមទារឱ្យមានបទឈប់បាញ់ ជាបន្ទាន់នៅក្នុងតំបន់ហ្គាហ្សា សម្រាប់ខែដ៏ពិសិដ្ឋនៃបុណ្យរ៉ាម៉ាដាន។
ស្លូវេនី ដែលជាសមាជិក មិនអចិន្ត្រៃយ៍នៃក្រុមប្រឹក្សាសន្តិសុខ ស្ថិតក្នុងចំណោមប្រទេសដែលរៀបចំដំណោះស្រាយ ដែលបានទទួលសំឡេងគាំទ្រ ១៤ ក្នុងចំណោមសមាជិក ក្រុមប្រឹក្សាទាំង ១៥ ។
រដ្ឋមន្ត្រីការបរទេសអូទ្រីសលោក Alexander Schallenberg បានឲ្យដឹងថា ដំណោះស្រាយគឺជា “សញ្ញានៃជីវិតរបស់អង្គការសហប្រជាជាតិ” ប៉ុន្តែបានបន្ថែមថា “ជំហានជាក់ស្តែងអាចសម្រេចបានតែនៅលើដីប៉ុណ្ណោះ”៕
ប្រែសម្រួល ឈូក បូរ៉ា
