ទ្រីប៉ូលី៖ ទីភ្នាក់ងារព័ត៌មាន Xinhua បានចុះផ្សាយនៅថ្ងៃទី ១១ ខែមេសា ឆ្នាំ ២០២៤នេះថា ការប៉ះទង្គិចគ្នាបានផ្ទុះឡើងកាលពីថ្ងៃព្រហស្បតិ៍ រវាងក្រុមប្រដាប់អាវុធជាគូប្រជែងក្នុងរដ្ឋធានីទ្រីប៉ូលី ប្រទេសលីប៊ី ខណៈដែលសាក្សីបានរាយការណ៍មកថា មានការបាញ់ ប្រហារយ៉ាងខ្លាំងនៅក្នុងផ្នែកផ្សេងៗនៃទីក្រុងនេះ និងការចល័តយោធានៅតាមដងផ្លូវ ។
សាក្សីបានឲ្យដឹងថា ការបាញ់កាំភ្លើងយ៉ាងខ្លាំងបាន បង្កឱ្យមានការភ័យស្លន់ស្លោនៅក្នុងចំណោម ប្រជាជនជាច្រើន ។
នាយកដ្ឋានសង្គ្រោះបន្ទាន់ ចំណុះឲ្យក្រសួងសុខាភិបាល បានណែនាំដល់ប្រជាពលរដ្ឋ ឱ្យនៅឆ្ងាយពីតំបន់ជម្លោះ ហើយត្រូវនៅតែក្នុងផ្ទះ ដើម្បីសុវត្ថិភាពរបស់ពួកគេ ៕
ប្រែសម្រួលដោយ៖ម៉ៅ បុប្ផាមករា
