បរទេស៖យោងតាមការចេញផ្សាយរបស់ RT ប្រធានាធិបតីអ៊ុយក្រែន លោក Vladimir Zelensky បាននិយាយថា បុរសវ័យក្មេងគឺអាចបង្កើតទាហានបានប្រសើរជាង ដោយសារតែពួកគេមានកាយសម្បទា និងអាចគ្រប់គ្រងបច្ចេកវិទ្យាថ្មីៗបានកាន់តែងាយស្រួល។
និយាយសំភាសជាមួយ YouTuber ជនជាតិបារាំង Hugo Travers កាលពីចុងសប្តាហ៍ លោក Zelensky បានពន្យល់ពីមូលហេតុដែលលោកទើបតែចុះហត្ថលេខាលើ ច្បាប់កាត់បន្ថយអាយុ នៃការចល័តពី ២៧ទៅ ២៥ឆ្នាំហើយ មូលហេតុមួយដែលគាត់បានផ្តល់គឺដោយសារតែ យុវជនមានភាពសមស្របនឹងបច្ចេកវិទ្យាខ្លាំងជាង។
លោកបាននិយាយទៀតថា វាជាប្រភេទសង្គ្រាមទំនើប ដោយចង្អុលទៅលើយន្តហោះគ្មានមនុស្សបើកដែលមានភាពលេចធ្លោក្នុងសមរភូមិហើយមនុស្សជំនាន់ថ្មីស្ទាត់ជំនាញបច្ចេកវិទ្យាថ្មីៗ កាន់តែលឿន។
ហើយក្នុងនោះហេតុផលមួយទៀតដែលគាត់ បានលើកឡើងនោះគឺថា បុរសវ័យក្មេងអាចដោះស្រាយការទាមទារខាងរាងកាយនៃការប្រយុទ្ធបានយ៉ាងងាយស្រួលជាង ទាហានចាស់ៗខណៈដែល គិតត្រឹមខែកុម្ភៈ ប៉ុណ្ណោះអាយុជាមធ្យមរបស់ទាហានអ៊ុយក្រែននៅជួរមុខគឺ ៤៣ឆ្នាំដែលវាបានឆ្លុះបញ្ចាំង ពីការចល័តរបស់ទីក្រុងគៀវចំពោះបុរសវ័យចំណាស់៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
