ប៉េកាំង៖ អ្នកនាំពាក្យក្រសួងការបរទេសចិន លោក Wang Wenbin បានឲ្យដឹងថា ប្រទេសចិន បានច្រានចោលយ៉ាងម៉ឺងម៉ាត់នូវការចោទប្រកាន់ដោយគ្មានមូលដ្ឋានរបស់សហរដ្ឋអាមេរិក ជុំវិញការផ្លាស់ប្តូរពាណិជ្ជកម្ម និងសេដ្ឋកិច្ចធម្មតារបស់ខ្លួនជាមួយប្រទេសរុស្ស៊ី។
សហរដ្ឋអាមេរិក បន្តធ្វើការចោទប្រកាន់ដោយគ្មានមូលដ្ឋានលើការផ្លាស់ប្តូរពាណិជ្ជកម្ម និងសេដ្ឋកិច្ចធម្មតារវាងចិន និងរុស្ស៊ី ខណៈពេលដែលកំពុងអនុម័តច្បាប់ផ្តល់ជំនួយយ៉ាងច្រើន សម្រាប់អ៊ុយក្រែន។
លោក Wang បានប្រាប់សន្និសីទសារព័ត៌មានធម្មតា នៅពេលដែលត្រូវបានសួរឱ្យធ្វើអត្ថាធិប្បាយលើការចោទប្រកាន់របស់សហរដ្ឋអាមេរិក និងការដាក់ទណ្ឌកម្ម ដែលអាចកើតមានទាក់ទងនឹងបញ្ហានេះ។
លោកបានលើកឡើងថា “ការបញ្ឆេះភ្លើង ខណៈពេលដែលបង្វែរការស្តីបន្ទោសទៅកាន់អ្នកដ៏ទៃ នេះគ្រាន់តែជាការលាក់ពុត និងមិនមានទំនួលខុសត្រូវខ្ពស់។ ប្រទេសចិន បដិសេធយ៉ាងម៉ឺងម៉ាត់ចំពោះរឿងនេះ”។
លោកបានបន្ដថា ចំពោះបញ្ហាអ៊ុយក្រែន ជំហររបស់ចិន តែងតែមានភាពត្រឹមត្រូវ និងមានគោលបំណង។ ចិនបានប្រឹងប្រែងជំរុញការចរចាដើម្បីសន្តិភាព និងដំណោះស្រាយនយោបាយ។ រ
លោកបានបន្ថែមថា “ប្រទេសចិនមិនមែនជាអ្នកបង្កើតវិបត្តិអ៊ុយក្រែន ហើយក៏មិនមែនជាភាគីនៃវាដែរ។ យើងមិនដែលញញើតនឹងភ្លើង ឬស្វែងរកផលប្រយោជន៍អាត្មានិយមនោះទេ ហើយយើងពិតជានឹងមិនទទួលយកការធ្វើជាពពែនោះទេ៕ ប្រែសម្រួល ឈូក បូរ៉ា
