អ៊ីស្លាម៉ាបាដ៖ ប៉ាគីស្ថាន បានច្រានចោលទាំងស្រុង នូវរបាយការណ៍របស់ក្រសួងការបរទេសសហរដ្ឋអាមេរិក ជុំវិញការចោទប្រកាន់ការរំលោភសិទ្ធិមនុស្ស នៅក្នុងប្រទេសកាលពីឆ្នាំមុន ដោយថា មានតែរបាយការណ៍ ដែលមានហេតុផលនយោបាយប៉ុណ្ណោះ មិនអាចព្រងើយកន្តើយ ចំពោះស្ថានការណ៍គួរឲ្យព្រួយបារម្ភនៅតំបន់ហ្គាហ្សាបានឡើយ។
ក្រសួងបានឲ្យដឹងនៅក្នុងសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃព្រហស្បតិ៍ថា “ខ្លួនមានការព្រួយបារម្ភយ៉ាងខ្លាំង ដែលរបាយការណ៍ ដែលបង្ហាញពីស្ថានភាពសិទ្ធិមនុស្សនៅជុំវិញពិភពលោកមិនអើពើ ឬបន្ទាបបន្ថោកចំណុចក្តៅបំផុតនៃការរំលោភសិទ្ធិមនុស្សសរុបដូចជានៅតំបន់ហ្គាហ្សា”។
សេចក្តីថ្លែងការណ៍បានឲ្យដឹងថា “របាយការណ៍ប្រទេសឆ្នាំ២០២៣ ស្តីពីការអនុវត្តសិទ្ធិមនុស្សប៉ាគីស្ថាន ខ្លឹមសារនៃរបាយការណ៍នេះ គឺអយុត្តិធម៌ ដោយផ្អែកលើព័ត៌មានមិនត្រឹមត្រូវ និងផ្ទុយគ្នាទាំងស្រុងពីការពិតជាក់ស្តែង។
របាយការណ៍ឆ្នាំនេះត្រូវបានគេយល់ឃើញជាថ្មីម្តងទៀតដោយការខ្វះកម្មវត្ថុ និងនយោបាយនៃរបៀបវារៈសិទ្ធិមនុស្សអន្តរជាតិ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
បើតាមក្រសួងបានឲ្យដឹងថា “វាបង្ហាញយ៉ាងច្បាស់នូវស្តង់ដារពីរ ដែលធ្វើឲ្យប៉ះពាល់ដល់សុន្ទរកថាសិទ្ធិមនុស្សអន្តរជាតិ”៕ ប្រែសម្រួល ឈូក បូរ៉ា
