ប៉េកាំង ៖ សហរដ្ឋអាមេរិក បានសម្តែងការព្រួយ បារម្ភយ៉ាងខ្លាំង កាលពីថ្ងៃសុក្ររបស់ខ្លួន លើការគាំទ្ររបស់ចិន សម្រាប់ឧស្សាហកម្មការពារជាតិរុស្ស៊ី ដោយអះអាងថា វាអនុញ្ញាតឱ្យទីក្រុងម៉ូស្គូ អាចកាត់ទោសសង្គ្រាមប្រឆាំង នឹងអ៊ុយក្រែនខណៈដែលប្រទេសទាំងពីរ បានយល់ព្រមបន្តការផ្លាស់ប្តូរកម្រិតខ្ពស់ ដើម្បីរក្សាស្ថិរភាពទំនាក់ទំនង ទោះបីជាមានភាពខុសគ្នា លើបញ្ហាជាច្រើនក៏ដោយ។
រដ្ឋមន្ត្រីការបរទេសអាមេរិក លោក Antony Blinken បានឲ្យដឹងនៅក្នុងទីក្រុងប៉េកាំង បន្ទាប់ពីជួបជាមួយ ប្រធានាធិបតីចិនលោក ស៊ី ជីនពីង និងសមភាគីចិនលោក វ៉ាង យី ថាទីក្រុងប៉េកាំងគឺជា “អ្នកផ្គត់ផ្គង់កំពូល” នៃសមាសធាតុដែលរុស្ស៊ីប្រើ ដើម្បីពង្រឹងមូលដ្ឋាន ឧស្សាហកម្មការពាររបស់ខ្លួន ចំពេលមានការឈ្លានពានអ៊ុយក្រែន។
នៅក្នុងសន្និសីទសារព័ត៌មានមួយ លោកបានព្រមានថា ក្រុងវ៉ាស៊ីនតោន អាចដាក់ទណ្ឌកម្មបន្ថែមលើក្រុមហ៊ុនចិន លុះត្រាតែពួកគេផ្លាស់ប្តូរការអនុវត្តរបស់ពួកគេ ប៉ុន្តែទីក្រុងប៉េកាំង នៅតែអះអាងថា ទីក្រុងវ៉ាស៊ីនតោន ធ្វើការចោទប្រកាន់ដោយគ្មានមូលដ្ឋាន ជុំវិញការផ្លាស់ប្តូរពាណិជ្ជកម្ម និងសេដ្ឋកិច្ចធម្មតា រវាងចិន និងរុស្ស៊ី។
ទន្ទឹមនឹងនោះ ភាគីទាំងពីរបានឲ្យដឹងថា ពួកគេបានយល់ព្រមលើក កម្ពស់កិច្ចសហប្រតិបត្តិការ លើបញ្ហារួមទាំងការ ប្រែប្រួលអាកាសធាតុ ការគ្រប់គ្រងថ្នាំ និងបញ្ញាសិប្បនិម្មិត ហើយនឹងរៀបចំកិច្ចពិភាក្សាអន្តររដ្ឋាភិបាលលើកដំបូង ស្តីពីការគ្រប់គ្រងហានិភ័យដែលបង្កឡើងដោយបច្ចេកវិទ្យា AI នៅប៉ុន្មានសប្តាហ៍ខាងមុខនេះ។
លោក ស៊ី បានអំពាវនាវ ឱ្យមហាអំណាច ពិភពលោកទាំងពីរ ស្វែងរកមូលដ្ឋានរួមគ្នា និងទុកភាពខុសគ្នា របស់ពួកគេជា ជាងចូល រួមក្នុងការប្រកួតប្រជែងដ៏សាហាវ ដោយនិយាយថា ពួកគេគួរតែជាដៃគូជំនួសឱ្យគូប្រជែង នេះបើយោង តាមក្រសួងការបរទេសចិន ៕
ប្រែសម្រួល ឈូក បូរ៉ា
