បរទេស៖ យោងតាមការចេញផ្សាយរបស់ RT រដ្ឋមន្ត្រីការបរទេសអ៊ីស្រាអែល លោក Israel Katz បានព្រមានថា ការលុកលុយទីក្រុង Rafah នឹងបន្តទៅមុខ លុះត្រាណាតែក្រុមហាម៉ាស់ យល់ព្រមដោះលែងចំណាប់ខ្មាំង អ៊ីស្រាអែល មួយចំនួន ដែលនៅតែឃុំខ្លួន នៅតំបន់ហ្គាហ្សា។ ក្រុមហាម៉ាស់ត្រូវ បានគេរំពឹងថានឹងធ្វើអត្ថាធិប្បាយ លើសំណើបទឈប់បាញ់ របស់អ៊ីស្រាអែល នាពេលខាងមុខ។
មន្ត្រីអ៊ីស្រាអែល បាននឹងកំពុងគម្រាម បើកប្រតិបត្តិការជើងគោកនៅទីក្រុង Rafah អស់រយៈពេលជាច្រើនខែមកហើយ បើទោះបីជាមានការប្រឆាំង យ៉ាងខ្លាំងពីសហរដ្ឋអាមេរិក និងអង្គការសហប្រជាជាតិក៏ដោយ។
ស្ថិតនៅភាគខាងត្បូង តំបន់ហ្គាហ្សា ក្បែរព្រំដែនអេហ្ស៊ីប រ៉ាហ្វា(Rafah)បច្ចុប្បន្នជាជម្រករបស់ជនប៉ាឡេស្ទីនប្រមាណ ១,៤ លាននាក់ដែលត្រូវភៀសខ្លួន ពីតំបន់ភាគខាងជើង នៃតំបន់ ហើយការឈ្លានពានទីក្រុង នឹងមានផលវិបាកដ៏អាក្រក់សម្រាប់ជនស៊ីវិលរស់នៅទីនោះ។ លោកBlinken បានព្រមានកាលពីដើមខែនេះ។
គួរឲ្យដឹងដែរថា ក្រុមហាម៉ាស់ បានចាប់ចំណាប់ខ្មាំងប្រហែល ២៥០នាក់ ក្នុងអំឡុងពេលការវាយលុក នៅថ្ងៃទី៧ ខែតុលា របស់ខ្លួនលើអ៊ីស្រាអែល ដែល១៣០ត្រូវបានគេជឿថា នៅតែត្រូវបានឃុំខ្លួន នៅក្នុងហ្គាហ្សា ខណៈដែលនាយករដ្ឋមន្ត្រីអ៊ីស្រាអែល លោក Benjamin Netanyahu បានទទួលរងសម្ពាធយ៉ាងខ្លាំង ពីគ្រួសារចំណាប់ខ្មាំង ដើម្បីកាត់បន្ថយកិច្ចព្រមព្រៀងជាមួយពួកសកម្មប្រយុទ្ធ ដើម្បីដោះលែងមនុស្សជាទីស្រលាញ់របស់ពួកគេ ដោយមានការតវ៉ាប្រចាំ សប្តាហ៍នៅ Tel Aviv និង Jerusalem ៕
ប្រែសម្រួល៖ស៊ុនលី
