ប៉ារីស៖ នាយករដ្ឋមន្ត្រីជប៉ុនលោក Fumio Kishida បានបង្ហាញក្របខណ្ឌអន្តរជាតិសម្រាប់បទប្បញ្ញត្តិ និងការប្រើប្រាស់ប្រព័ន្ធ AI ជំនាន់ថ្មីកាលពីថ្ងៃព្រហស្បតិ៍ ដោយបន្ថែមលើកិច្ចខិតខំប្រឹងប្រែង ជាសកលលើអភិបាលកិច្ច សម្រាប់បច្ចេកវិទ្យាដែលរីកចម្រើនយ៉ាងឆាប់រហ័ស។
លោក Kishida បានធ្វើការប្រកាសនេះក្នុងសុន្ទរកថា នៅអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍនៅទីក្រុងប៉ារីស។ លោក Kishida បាននិយាយថា ប្រព័ន្ធ AI ជំនាន់ថ្មីមានសក្ដានុពលក្នុងការ ក្លាយជាឧបករណ៍សំខាន់មួយ ដើម្បីពង្រឹងពិភពលោកបន្ថែមទៀត ប៉ុន្តែយើងក៏ត្រូវតែប្រឈមមុខនឹងផ្នែកងងឹតនៃ AI ដូចជាហានិភ័យនៃព័ត៌មានមិនពិត។
នៅពេលប្រទេសជប៉ុនធ្វើជា ប្រធានក្រុមប្រទេសឧស្សាហកម្មឈានមុខគេទាំង ៧ កាលពីឆ្នាំមុន វាបានបើកដំណើរការ Hiroshima AI ដើម្បីរៀបចំគោលការណ៍ណែនាំអន្តរជាតិ និងក្រមសីលធម៌សម្រាប់អ្នកអភិវឌ្ឍន៍ AI ។ លោក Kishida បានបន្តថា ប្រទេស និងតំបន់ចំនួន ៤៩ បានចុះហត្ថលេខាលើក្របខណ្ឌស្ម័គ្រចិត្ត ត្រូវហៅថា Hiroshima AI Process Friends Group ដោយមិនបានបញ្ចេញឈ្មោះណាមួយឡើយ។
ពួកគេនឹងធ្វើការលើការអនុវត្តគោលការណ៍ និងក្រមសីលធម៌ ដើម្បីដោះស្រាយហានិភ័យនៃការបង្កើត AI និងលើកកម្ពស់កិច្ចសហប្រតិបត្តិការ ដើម្បីធានាថាមនុស្សទូទាំងពិភពលោក អាចទទួលបានអត្ថប្រយោជន៍ពីការប្រើប្រាស់ AI ប្រកបដោយសុវត្ថិភាព សុវត្ថិភាព និងគួរឲ្យទុកចិត្ត។
សហភាពអឺរ៉ុប សហរដ្ឋអាមេរិក ចិន និងប្រទេសជាច្រើនផ្សេងទៀត បាននឹងកំពុងប្រជែងគ្នាដើម្បីរៀបចំបទប្បញ្ញត្តិ និងការត្រួតពិនិត្យសម្រាប់ AI ខណៈស្ថាប័នពិភពលោកដូចជា អង្គការសហប្រជាជាតិបានកំពុងរិះរកវិធីគ្រប់គ្រងវា ៕
ដោយ៖ លី ភីលីព
