បរទេស៖ នាយករដ្ឋមន្ត្រី លោក Benjamin Netanyahu បាននិយាយថា អ៊ីស្រាអែលនឹងបន្តយុទ្ធនាការយោធារបស់ខ្លួនប្រឆាំងនឹងក្រុមហាម៉ាសនៅតំបន់ហ្គាហ្សា ដោយមិនគិតពីការមិនយល់ព្រមពីសម្ព័ន្ធមិត្តសំខាន់ៗរបស់ខ្លួនឡើយ។ ការកត់សម្គាល់របស់លោក Benjamin Netanyahu បានកើតឡើងភ្លាមៗបន្ទាប់ពីប្រធានាធិបតីអាមេរិក Joe Biden បានព្រមានថ្នាក់ដឹកនាំអ៊ីស្រាអែលថា ប្រតិបត្តិការទ្រង់ទ្រាយធំណាមួយនៅក្នុងទីក្រុង Rafah នឹងមានន័យថា បញ្ឈប់ការផ្គត់ផ្គង់សម្ភារៈការពារសំខាន់ៗ។
យោងតាមសារព័ត៌មាន RT ចេញផ្សាយនៅថ្ងៃទី១០ ខែឧសភា ឆ្នាំ២០២៤ បានឱ្យដឹងថា ទីក្រុងដែលស្ថិតនៅភាគខាងត្បូង Gaza គឺជាមជ្ឈមណ្ឌលប្រជាជនដ៏សំខាន់ចុងក្រោយដែលនៅតែមិនស្ថិតនៅក្រោមការគ្រប់គ្រងរបស់អ៊ីស្រាអែល។ ប្រជាជនប៉ាឡេស្ទីនរាប់ម៉ឺននាក់ដែលភៀសខ្លួនពីខាងក្នុងបានជ្រកជ្រកកោននៅទីនោះក្នុងរយៈពេលប៉ុន្មានខែថ្មីៗនេះ ដោយមានការប៉ាន់ប្រមាណមួយចំនួនដែលដាក់ចំនួនប្រជាជនបច្ចុប្បន្ននៃទីក្រុង ដែលជាធម្មតាមានប្រហែល ៤០ម៉ឺននាក់ លើសពីមួយលាននាក់។ ចលនានៃក្បួនមនុស្សធម៌ដែលនាំយកអាហារ និងថ្នាំពេទ្យត្រូវបានគេរាយការណ៍ថា ត្រូវបានរំខាន ខណៈការវាយលុករបស់អ៊ីស្រាអែលនៅតែបន្ត។
កាលពីដើមសប្តាហ៍នេះ កងទ័ពអ៊ីស្រាអែល និងរថក្រោះ បានចូលក្នុងតំបន់ភាគខាងកើតនៃទីក្រុង Rafah នៅក្នុងអ្វីដែលទីក្រុង ហ្ស៊េរុយសាឡឹម បានពិពណ៌នាថា ជាប្រតិបត្តិការ “មានកំណត់” បន្ទាប់ពីយន្តហោះចម្បាំងបានទម្លាក់គ្រាប់បែកលើទីក្រុង។
នៅថ្ងៃព្រហស្បតិ៍ លោក Netanyahu បានថ្លែងថា «ប្រសិនបើយើងត្រូវឈរតែម្នាក់ យើងនឹងឈរតែម្នាក់ឯង។ បើយើងត្រូវការ យើងនឹងប្រយុទ្ធនឹងក្រចកដៃ។ ប៉ុន្តែយើងមានច្រើនជាងក្រចកដៃ»។ លោកបានកត់សម្គាល់ថា នៅឆ្នាំ ១៩៤៨ អ៊ីស្រាអែលទទួលបានឯករាជ្យបើទោះបីជា “ការហាមឃាត់អាវុធ” ក៏ដោយ។
នៅថ្ងៃដដែលនេះ អ្នកនាំពាក្យកងកម្លាំងការពារអ៊ីស្រាអែល (IDF) លោក Daniel Hagari បានទទូចថាយោធា “មានអាវុធសម្រាប់បេសកកម្មដែលខ្លួនគ្រោង និងសម្រាប់បេសកកម្មនៅ Rafah ផងដែរ” ។
ប្រធានាធិបតីអាមេរិក លោក Biden នៅក្នុងបទសម្ភាសន៍ជាមួយទូរទស្សន៍ CNN កាលពីថ្ងៃពុធ បានព្រមានថា “ប្រសិនបើពួកគេ (អ៊ីស្រាអែល) ចូលទៅក្នុងទីក្រុង Rafah នោះ ខ្ញុំមិនផ្គត់ផ្គង់អាវុធដែលធ្លាប់ប្រើប្រាស់ជាប្រវត្តិសាស្ត្រដើម្បីដោះស្រាយជាមួយ Rafah ដើម្បីដោះស្រាយជាមួយនឹងទីក្រុងនានា ដែលដោះស្រាយបញ្ហានោះទេ” ៕ ប្រែសម្រួលៈ ណៃ តុលា
