បរទេស ៖ យោងតាមការ ចេញផ្សាយ របស់ RT អព្យាក្រឹតភាពរបស់ប្រទេសស្វីស នៅតែមិនផ្លាស់ប្តូរ ឡើយ នេះបើយោង តាមការបញ្ជាក់ដោយ ក្រសួងការបរទេស របស់ប្រទេសនេះ បានទទូចនៅមុនសន្និសីទ សន្តិភាពស្តីពីជម្លោះអ៊ុយក្រែន នៅខែក្រោយ ។
ការលើកងឡើងនេះ ត្រូវបានធ្វើលើង បន្ទាប់ពីរុស្ស៊ីបានចោទ ប្រកាន់រដ្ឋាភិបាលទីក្រុង Bern ថាបានចូលខាង លោកខាងលិច និងក្រុងគៀវកាន់តែជ្រៅឡើង ក្នុងការប្រឈមមុខគ្នានាពេលបច្ចុប្បន្ន ដោយព្រមទាំងកំពុង ធ្វើឱ្យខ្លួនក្លាយ ជាអ្នកសម្រុះសម្រួល មិនសមរម្យទៀតផង។
យោងតាមរដ្ឋាភិបាលស្វីស កិច្ចប្រជុំកំពូល សន្តិភាពនៅអ៊ុយក្រែន មានគោលបំណង ត្រួសត្រាយផ្លូវឆ្ពោះទៅរក សន្តិភាពដ៏ត្រឹមត្រូវ និងយូរអង្វែង នៅក្នុងប្រទេសអឺរ៉ុប ខាងកើតផងដែរ។
ក្នុងនោះរដ្ឋាភិបាលទីក្រុងBern ក៏បានអញ្ជើញគណៈប្រតិភូជាង១៦៩ ប្រទេសមកពីជុំវិញពិភពលោក រួមទាំងសមាជិកនៃ G7, G20, BRICS និង EUដែរដែល ទោះជាយ៉ាងណា ស្វីសមិនបានបន្តការអញ្ជើញ ទៅកាន់ប្រទេសរុស្ស៊ីទេ។
កាលពីខែមុន ប្រធានាធិបតីរុស្ស៊ី លោក Vladimir Putin បានចាត់ទុកការលើកឡើង របស់ទីក្រុង Bern ហាក់ដូចជាមិនសមហេតុផល ដោយលោកបានសង្កត់ធ្ងន់ថា យើងមិនត្រូវបានអញ្ជើញឱ្យទៅទីនោះ ខណៈពេលដែល វាត្រូវបាន គេនិយាយថាវាមិនអាចទៅរួចទេ ក្នុងការដោះស្រាយអ្វីមួយ ដោយគ្មានរុស្ស៊ីចូលរួមទៅវិញ៕
ប្រែសម្រួល៖ស៊ុនលី
