បរទេស ៖ យោងតាមការចេញផ្សាយរបស់ RT ប្រធានាធិបតីរុស្ស៊ី លោក Vladimir Putin បានគូសបញ្ជាក់ កាលពីថ្ងៃអង្គារថា អ្នកគាំទ្រលោកខាងលិច របស់ទីក្រុងគៀវត្រូវយល់ថា ការវាយប្រហាររយៈចម្ងាយឆ្ងាយ លើទឹកដីរុស្ស៊ីដោយប្រើអាវុធ ដែលពួកគេបានផ្គត់ផ្គង់នឹងតំណាង ឱ្យការកើនឡើងនៃជម្លោះ និងនាំឱ្យមាន ផលវិបាកធ្ងន់ធ្ងរជា បន្តបន្ទាប់ជាមិនខាន ។
ថ្លែងទៅកាន់អ្នកសារព័ត៌មាន នៅចុងបញ្ចប់ នៃដំណើរទស្សនកិច្ចរយៈពេលពីរថ្ងៃទៅកាន់ប្រទេសអ៊ូសបេគីស្ថាន លោក Putinបានលើកឡើង ពីការទាមទារ របស់អ៊ុយក្រែន នាពេលថ្មីៗនេះសម្រាប់អង្គការណាតូ ក្នុងការអនុញ្ញាតឱ្យប្រើប្រាស់ អាវុធរបស់ខ្លួន ដើម្បីវាយប្រហារ យ៉ាងជ្រៅនៅក្នុងប្រទេសរុស្ស៊ី ក៏ដូចជាការអត្ថាធិប្បាយ របស់ប្រធានប្លុក ដែលដឹកនាំដោយសហរដ្ឋអាមេរិក គឺលោក Jens Stoltenberg ដើម្បីគាំទ្រយុទ្ធសាស្ត្រជាដើម។
លោកPutinបានប្រាប់អ្នកយកព័ត៌មានថា ៖ និយាយឱ្យត្រង់ទៅខ្ញុំ មិនដឹងថាអគ្គលេខាធិការណាតូនិយាយអ្វីទេ ដោយបន្ថែមថាលោក Stoltenberg មិនបានទទួលរងពីជំងឺវង្វេងណាមួយទេ នៅពេលដែលគាត់ធ្វើការ យ៉ាងជិតស្និទ្ធជាមួយរុស្ស៊ីក្នុងនាមជានាយករដ្ឋមន្ត្រី នៃប្រទេសន័រវេស ចន្លោះឆ្នាំ២០០៥ដល់ឆ្នាំ២០១៣។
លោក Putin បានពន្យល់ថា ការវាយប្រហារដ៏ជាក់លាក់រយៈចម្ងាយឆ្ងាយ ទាមទារទ្រព្យសម្បត្តិ ដែលក្រុងកៀវមិនមាន ប៉ុន្តែសហរដ្ឋអាមេរិកធ្វើ ហើយថាការកំណត់ គោលដៅនេះ ត្រូវបានធ្វើរួច ហើយដោយ អ្នកឯកទេសដែលមាន សមត្ថភាពខ្ពស់ មកពីលោកខាងលិច ហើយជាក់ស្តែងដោយគ្មាន ការចូលរួមពីអ៊ុយក្រែនឡើយ៕
ប្រែសម្រួល៖ស៊ុនលី
