អាមេរិក បញ្ជាក់ថា មានករណីឆ្លងជំងឺផ្តាសាយបក្សី មកមនុស្សចំនួន ២ករណី ហើយពាក់ព័ន្ធនឹងសត្វគោចិញ្ចឹមយកទឹកដោះ នៅសហរដ្ឋអាមេរិក

ឡូសអ៊ែនជីឡេស៖ ករណីមនុស្សទី២នៃការឆ្លងមេរោគ ផ្តាសាយបក្សីដែលមានមេរោគ (HPAI) A (H5) ត្រូវបានគេកំណត់អត្តសញ្ញាណនៅក្នុងរដ្ឋ Michigan ដែលជាករណីមនុស្សទី៣ ដែលមានទំនាក់ទំនងជាមួយនឹង ការផ្ទុះឡើងនៃពហុរដ្ឋដែលកំពុងបន្ត ។ អាជ្ញាធរសុខាភិបាលសហរដ្ឋអាមេរិក បានឲ្យដឹងកាលពីថ្ងៃព្រហស្បតិ៍ថា វីរុស (H5N1) នៅក្នុងសត្វគោយកទឹកដោះ នៅសហរដ្ឋអាមេរិក ។

យោងតាមមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក ហៅកាត់ (CDC)បានឲ្យដឹងថា ករណីថ្មីនេះគឺជាកម្មករនៅក្នុង កសិដ្ឋានចិញ្ចឹមគោយកទឹកដោះ ដែលមានការប៉ះពាល់នឹងសត្វគោ ដែលមានមេរោគ ប្រហែលជាបណ្តាលមកពី ការរីករាលដាលពីសត្វគោទៅមនុស្ស ។

យោងតាម CDC បានឲ្យដឹងថា នេះជាករណីដំបូងរបស់មនុស្ស ដែលមានជំងឺឆ្លងបង្កឡើងដោយវីរុស H5 នៅសហរដ្ឋអាមេរិក ដែលរាយការណ៍ពីរោគសញ្ញាធម្មតា នៃជំងឺផ្លូវដង្ហើមស្រួចស្រាវដែលទាក់ទង នឹងការឆ្លងមេរោគផ្តាសាយ រួមទាំងមេរោគ A (H5N1)

ខាង CDC បានបន្តតាមដានយ៉ាងយកចិត្តទុកបំផុត នូវទិន្នន័យដែលមានពីប្រព័ន្ធតាមដានជំងឺគ្រុនផ្តាសាយ ជាពិសេសនៅក្នុងរដ្ឋដែលរងផលប៉ះពាល់ ហើយមិនមានសញ្ញានៃសកម្មភាព គ្រុនផ្តាសាយមិនធម្មតាចំពោះមនុស្ស រួមទាំងមិនមានការកើនឡើងនៃ ការទៅមើលនៅក្នុងបន្ទប់សង្គ្រោះបន្ទាន់ សម្រាប់ជំងឺគ្រុនផ្តាសាយ និងមិនមានការកើនឡើងនៃ ការរកឃើញមន្ទីរពិសោធន៍នៃករណី ជំងឺគ្រុនផ្តាសាយមនុស្សនោះទេ ។

មជ្ឈមណ្ឌល CDC បានបញ្ជាក់ថា ហានិភ័យសម្រាប់សាធារណជន ទូទៅរបស់សហរដ្ឋអាមេរិក ដែលមិនមានការប៉ះពាល់នឹងសត្វ ដែលមានមេរោគនៅតែមានកម្រិតទាប ។ ទោះជាយ៉ាងណាក៏ដោយ វឌ្ឍនភាពនេះបានគូសបញ្ជាក់ពីសារៈសំខាន់ នៃការប្រុងប្រយ័ត្នដែលបានណែនាំ ចំពោះអ្នកដែលមានការប៉ះពាល់ នឹងសត្វដែលមានមេរោគ ឬអាចឆ្លងមេរោគ ៕

ប្រែសម្រួលដោយ៖ ម៉ៅ បុប្ផាមករា