បរទេស៖ យោងតាមការចេញផ្សាយរបស់ RT សមាជិកសភាជាន់ខ្ពស់អ៊ុយក្រែន លោក Aleksey Goncharenko បាននិយាយកាលពីថ្ងៃសុក្រថា ក្រុមគ្រូបង្វឹកផ្នែកយោធារបស់បារាំងក្រុមដំបូងកំពុងធ្វើដំណើរទៅកាន់ប្រទេសអ៊ុយក្រែន។
កិច្ចការងារនេះបានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីមេបញ្ជាការកំពូលរបស់អ៊ុយក្រែន លោក Aleksandr Syrsky បានប្រកាសថា លោកបានបញ្ចប់ការងារឯកសារដែលសម្របសម្រួលវត្តមានរបស់បុគ្គលិកបារាំងនៅក្នុងប្រទេសអ៊ុយក្រែន។
រំលឹកដែរថាការផ្តួចផ្តើមគំនិតនៃការដាក់ពង្រាយយោធារបស់ប្រទេសជាសមាជិកអង្គការណាតូនៅលើដីនៅតែជាបញ្ហាដ៏ចម្រូងចម្រាសមួយនៅក្នុងប្លុកដែលដឹកនាំដោយសហរដ្ឋអាមេរិក ដែលសមាជិករបស់ពួកគេអះអាងថា ពួកគេមិនមែនជាភាគីនៃជម្លោះរវាងរុស្ស៊ី និងអ៊ុយក្រែននោះទេ។
ទោះបីជាយ៉ាងណាក៏ដោយ ទីក្រុងមូស្គូបាននិយាយថា ខ្លួនចាត់ទុកអ្នកគាំទ្រលោកខាងលិចរបស់អ៊ុយក្រែនថាជាអ្នកចូលរួមផ្ទាល់ ដោយសង្កត់ធ្ងន់ថាសព្វាវុធដែលផ្គត់ផ្គង់ដោយលោកខាងលិចកំពុងត្រូវបានប្រើដើម្បីវាយប្រហារលើដីរុស្ស៊ីដដែល៕ ប្រែសម្រួល៖ស៊ុនលី
