វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ចូ បៃដិន បានចុះហត្ថលេខាលើបទបញ្ជាប្រតិបត្តិមួយកាលពីថ្ងៃអង្គារ ដែលនឹងបដិសេធភ្លាមៗនូវការស្នើសុំចូលសហរដ្ឋអាមេរិក ពីសំណាក់អ្នកស្វែងរកសិទ្ធិជ្រកកោន ដែលឆ្លងកាត់ព្រំដែនភាគខាងត្បូងដោយខុសច្បាប់ ក្នុងករណីដែលមន្ត្រីចាត់ទុកថា ព្រំដែនមានភាពលើសលប់។
វិធានការដែលលោក បៃដិន បានគិតជាយូរខែមកហើយនោះ នឹងចាប់ផ្តើមឡើងវិញនៅពេលដែលមធ្យមភាគ ៧ថ្ងៃសម្រាប់ការឆ្លងកាត់ខុសច្បាប់រវាងច្រកចូលតាមបណ្តោយព្រំដែនអាមេរិក-ម៉ិកស៊ិក ឡើងដល់ ២,៥០០នាក់ ក្នុងមួយថ្ងៃ ដោយបិទព្រំដែនប្រកបដោយប្រសិទ្ធភាព។
ដោយសារការជួបគ្នាប្រចាំថ្ងៃ គឺលើសពីកម្រិតកំណត់ឥឡូវនេះ បទបញ្ជានេះអាចចូលជាធរមានភ្លាមៗបន្ទាប់ពីបានចុះហត្ថលេខា ដោយផ្តល់សិទ្ធិអំណាចដល់មន្ត្រីព្រំដែនក្នុងការធ្វើមាតុភូមិនិវត្តន៍ជនចំណាកស្រុក។
មុនពេលមានដីកានៅថ្ងៃអង្គារម្សិលមិញនេះ ជនអន្តោប្រវេសន៍ខុសច្បាប់ ដែលស្វែងរកសិទ្ធិជ្រកកោននៅសហរដ្ឋអាមេរិក ជាធម្មតានឹងត្រូវបានអនុញ្ញាតឱ្យចូលទៅក្នុងប្រទេសជាបណ្តោះអាសន្ន ដែលបុគ្គលនោះនឹងរង់ចាំការបង្ហាញខ្លួនរបស់តុលាការ ដើម្បីបង្ហាញករណីគួរឱ្យទាក់ទាញអារម្មណ៍ សម្រាប់សំណើនេះ។
នៅក្រោមការណែនាំថ្មី ព្រំដែននឹងបើកឡើងវិញសម្រាប់អ្នកដែលស្វែងរកសិទ្ធិជ្រកកោននៅសហរដ្ឋអាមេរិក ពីរសប្តាហ៍បន្ទាប់ពីការឆ្លងកាត់ប្រចាំថ្ងៃស្នាក់នៅឬក្រោម ១,៥០០នាក់ សម្រាប់រយៈពេល ៧ថ្ងៃជាប់ៗគ្នា។
កុមារ និងជនរងគ្រោះនៃការជួញដូរមនុស្សមិនត្រូវបានអមដំណើរត្រូវបានលើកលែងពីការរឹតបន្តឹងដែលបានប្រកាសថ្មី ដែលជាផ្នែកសំខាន់នៃបទបញ្ជាប្រតិបត្តិដែលលោក បៃដិន បានអួតអាងថាមិនបានគិតគូរពីមនុស្សធម៌។ ទោះជាយ៉ាងណាក៏ដោយ អ្នកតស៊ូមតិផ្នែកអន្តោប្រវេសន៍ព្រួយបារម្ភថា ការលើកលែងបែបនេះអាចនាំឱ្យមានការកើនឡើងយ៉ាងខ្លាំងនៃកុមារ ដែលធ្វើដំណើរដ៏គ្រោះថ្នាក់ទៅកាន់ព្រំដែនដោយខ្លួនឯង៕ ប្រែសម្រួល ឈូក បូរ៉ា
