បរទេស៖យោងតាមការ ចេញផ្សាយរបស់ RT ប្រធានាធិបតីសហរដ្ឋអាមេរិកលោក Joe Biden បានសុំទោសជា សាធារណៈចំពោះលោក Vladimir Zelensky សម្រាប់ សប្តាហ៍ នៃភាពមិនច្បាស់លាស់ នៅក្នុងទីក្រុងគៀវ អំពីការទទួលបានជំនួយរាប់ ពាន់លានដុល្លារពីរដ្ឋាភិបាលអាមេរិក។
សេតវិមានបានធ្វើការ ស្នើសុំកញ្ចប់ថវិកាប្រមាណជា៦១ពាន់លានដុល្លារ សម្រាប់អ៊ុយក្រែនជាផ្នែក នៃវិក័យប័ត្រមូល និធិសន្តិសុខជាតិនៅក្នុងខែតុលា ប៉ុន្តែវាមិនទទួលបានការយល់ ព្រមពីសភារហូតដល់ចុងខែមេសា ឡើយហើយអ៊ុយក្រែន បានបន្ទោសការខ្វះខាតថវិកា របស់សហរដ្ឋអាមេរិក សម្រាប់ការបរាជ័យជាច្រើននៅតាមសមរភូមិ។
លោក Biden បានប្រាប់ Zelensky នៅពេលពួកគេជួបគ្នា នៅប្រទេសបារាំងកាលពីថ្ងៃសុក្រថា ៖ខ្ញុំសុំទោសសម្រាប់ សប្តាហ៍ទាំងនោះដែលមិនដឹងថានឹងមានអ្វីកើតឡើងទាក់ទងនឹងការផ្តល់មូលនិធិ។ ប្រធានាធិបតីសហរដ្ឋអាមេរិកបានរិះគន់ សមាជិកអភិរក្សនិយម របស់យើងមួយចំនួន នៃសភា ចំពោះការ កាន់កាប់និងរារាង ច្បាប់នេះ ។
ទោះបីជាយ៉ាងណាក្តី ក្រុងវ៉ាស៊ីនតោនបានប្រកាសកញ្ចប់ ជំនួយយោធាចំនួន ២២៥ លានដុល្លារទៀត ដល់ក្រុងគៀវ រួមទាំងគ្រាប់រំសេវសម្រាប់កាំភ្លើងធំ និងគ្រាប់រ៉ុក្កែត HIMARSផងដែរ។
លោក Biden បានប្រាប់លោក Zelensky ថាជំនួយគឺជួយអ្នកក្នុងការ កសាងបណ្តាញ អគ្គិសនីឡើងវិញ។ ការវាយប្រហារតាមអាកាស និងមីស៊ីលរបស់រុស្ស៊ី បានធ្វើឱ្យខូចសមត្ថភាពផលិត ថាមពលរបស់អ៊ុយក្រែន យ៉ាងធ្ងន់ធ្ងរក្នុងប៉ុន្មានសប្តាហ៍ថ្មីៗនេះ ៕
ប្រែសម្រួល៖ស៊ុនលី
