តូក្យូ៖ មេដឹកនាំ និងសមាជិកដទៃទៀតនៃក្រុមនយោបាយ ដែលមានមូលដ្ឋាននៅទីក្រុងតូក្យូ ត្រូវប្រឈមជាមួយនឹងដីកាចាប់ខ្លួនថ្មីកាលពីថ្ងៃសុក្រ សម្រាប់ការចោទប្រកាន់ថា បានរារាំងយុទ្ធនាការរបស់បេក្ខជនគូប្រជែង សម្រាប់ការបោះឆ្នោតដោយសភា ក្នុងខែមេសា។
ប៉ូលីសបានឲ្យដឹងថាលោក Atsuhiko Kurokawa អាយុ ៤៥ឆ្នាំជាអ្នកដឹកនាំ “Tsubasa no To” លោក Ryosuke Nemoto អាយុ ២៩ឆ្នាំដែលជាបេក្ខជនមិនជោគជ័យរបស់ក្រុមនៅក្នុងការបោះឆ្នោតថ្ងៃទី២៨ ខែមេសា និងលោក Hayato Sugita អាយុ ៣៩ឆ្នាំត្រូវបានចោទប្រកាន់ថា បានដេញតាមរថយន្តក្បួនគូប្រជែងរបស់ពួកគេ។
លោក Natsumi Sakai បេក្ខជនគណបក្សធម្មនុញ្ញប្រជាធិបតេយ្យរបស់ជប៉ុន ដែលត្រូវបានគេកំណត់គោលដៅបានបន្តឈ្នះការប្រណាំងប្រជែង នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
ខណៈពេលដែលច្បាប់បោះឆ្នោតរបស់ការិយាល័យសាធារណៈបានលើកឡើងនូវទង្វើជាច្រើន ដែលអាចបង្កើតជាឧក្រិដ្ឋកម្មនៃ “ការរាំងស្ទះដល់សេរីភាពនៃការបោះឆ្នោត” វាជារឿងកម្រណាស់ សម្រាប់សំណុំរឿងព្រហ្មទណ្ឌ ដែលត្រូវបានបង្កើតឡើងលើសកម្មភាពមិនច្បាស់លាស់ដូចជាការរារាំងយុទ្ធនាការរបស់បេក្ខជន នៅពេលពួកគេផ្លាស់ប្តូរពីតំបន់មួយទៅ មួយទៀតនេះបើតាមប្រភពស៊ើបអង្កេត។
អ្នកទាំងបីត្រូវបានចាប់ខ្លួនជាលើកដំបូងកាលពីថ្ងៃទី១៧ ឧសភា ពីបទប្រើប្រាស់ឧបករណ៍បំពងសំឡេងដើម្បីព្យាយាមបំបិទសំឡេងសម្ដីរបស់បេក្ខជនគូប្រជែងម្នាក់ទៀតគឺលោក Hirotada Ototake នៅក្នុងការបោះឆ្នោតសភាតំណាងរាស្រ្តដោយការបោះឆ្នោត៕
ប្រែសម្រួល ឈូក បូរ៉ា
