ប៉េកាំង៖ អ្នកនាំពាក្យក្រសួងការពារជាតិចិន នៅថ្ងៃសុក្រនេះ បានជំរុញឱ្យសហរដ្ឋអាមេរិក លុបចោលផែនការរបស់ខ្លួន ក្នុងការលក់សព្វាវុធទៅឱ្យតំបន់តៃវ៉ាន់ របស់ប្រទេសចិន និងបញ្ឈប់ការបំពាក់សព្វាវុធក្នុងតំបន់ដោយគ្រប់រូបភាព។
លោក Zhang Xiaogang អ្នកនាំពាក្យក្រសួងការពារជាតិ បានធ្វើការកត់សម្គាល់នេះ ជាការឆ្លើយតបទៅនឹងសំណួរប្រព័ន្ធផ្សព្វផ្សាយ ស្តីពីការយល់ព្រមនាពេលថ្មីៗនេះ របស់ក្រសួងការពារជាតិសហរដ្ឋអាមេរិក លើការលក់សព្វាវុធ ដែលមានតម្លៃប្រមាណ ៣០០លានដុល្លារអាមេរិក ទៅឱ្យតៃវ៉ាន់។
ការលក់អាវុធរបស់អាមេរិកទៅឲ្យតំបន់តៃវ៉ាន់របស់ចិនបានបំពានយ៉ាងធ្ងន់ធ្ងរលើគោលការណ៍ចិនតែមួយ និងសេចក្តីថ្លែងការណ៍រួមចិន-អាមេរិកទាំង ជាពិសេសសេចក្តីថ្លែងការណ៍ថ្ងៃទី១៧ ខែសីហា។
ទង្វើនេះបានធ្វើឱ្យខូចដល់អធិបតេយ្យភាព និងសន្តិសុខរបស់ប្រទេសចិនយ៉ាងធ្ងន់ធ្ងរ ហើយបានបង្កការគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។ លោកបានបន្ថែមថា ចិនមិនពេញចិត្តយ៉ាងខ្លាំង ចំពោះការលក់សព្វាវុធរបស់អាមេរិកទៅឲ្យតំបន់តៃវ៉ាន់របស់ចិន។
លោក Zhang បានលើកឡើងថា សំណួរតៃវ៉ាន់ គឺជាបន្ទាត់ក្រហមដំបូង ដែលមិនត្រូវឆ្លងកាត់នៅក្នុងទំនាក់ទំនងរវាងប្រទេសចិន-សហរដ្ឋអាមេរិក ហើយថា ការគាំទ្រ “ឯករាជ្យភាពតៃវ៉ាន់” កងកម្លាំងបំបែកខ្លួននឹងធ្វើឱ្យភាពតានតឹងនៅក្នុងតំបន់ ជំរុញតៃវ៉ាន់ឱ្យស្ថិតក្នុងស្ថានភាពដ៏គ្រោះថ្នាក់ ហើយចុងក្រោយធ្វើឱ្យប៉ះពាល់ដល់សហរដ្ឋអាមេរិកខ្លួនឯង៕
ប្រែសម្រួល ឈូក បូរ៉ា
