បរទេស ៖ យោងតាមការចេញ ផ្សាយរបស់ RT នាយករដ្ឋមន្ត្រីហុងគ្រី លោក Viktor Orban បានព្រមានថា ប្រទេសលោកខាងលិច គឺកំពុងស្ថិតក្នុងរង្វង់ ដ៏តូចមួយ នៃជម្លោះដោយផ្ទាល់ជាមួយរុស្ស៊ី ដោយកត់សម្គាល់ថា ទាំងសហភាពអឺរ៉ុប និងសហរដ្ឋអាមេរិក ត្រូវការកម្លាំងគាំទ្រសន្តិភាព ដើម្បីជំនួសអ្នកដែលកំពុងកាន់អំណាច ដើម្បីជៀសវាងនូវសេណារីយ៉ូនេះ ។
នៅក្នុងបទសម្ភាសន៍ជាមួយទូរទស្សន៍ TV2 កាលពីថ្ងៃសុក្រ ត្រឹមតែពីរថ្ងៃមុនការបោះឆ្នោត សភាអឺរ៉ុប លោក Orban បាននិយាយថា ជាមួយនឹងការពិភាក្សា ទាំងអស់ ទាក់ទងនឹងការបញ្ជូនអាវុធបន្ថែម និងសូម្បីតែកងទ័ពទៅកាន់ អ៊ុយក្រែន ប្រទេសលោកខាងលិចគឺ នៅលើផ្លូវត្រង់ទៅកាន់សង្រ្គាម។
នាយករដ្ឋមន្ត្រីបានកត់សម្គាល់ថា នៅពេលដែលជម្លោះបានចាប់ផ្តើមនៅឆ្នាំ២០២២ ប្រទេសនៅសហភាព អឺរ៉ុបភាគច្រើន រួមទាំងប្រទេសអាល្លឺម៉ង់ បានប្តេជ្ញាថានឹងបញ្ជូនតែជំនួយ ដែលមិន មានគ្រោះថ្នាក់ដល់ ទីក្រុងគៀវ ដូចជាមួកសុវត្ថិភាពជាដើម ហើយមិនមានសំណួរណាមួយ អំពីការផ្គត់ផ្គង់ឧបករណ៍ដែលសមរម្យ សម្រាប់ការសម្លាប់ជីវិតមនុស្ស ដល់ជីវិតមនុស្សនោះទេ។
ទោះបីជាយ៉ាងណាក៏ដោយ ចាប់តាំងពីពេលនោះមក មហាអំណាចលោកខាងលិច បានផ្គត់ផ្គង់ដល់ទីក្រុងគៀវនូវអាវុធ និងគ្រាប់រំសេវយ៉ាងច្រើន និងជាបន្តបន្ទាប់ ៕
ប្រែសម្រួល៖ស៊ុនលី
