ញូវដេលី៖ លោក ណារិនដ្រា មូឌី បានស្បថចូលកាន់តំណែងជា នាយករដ្ឋមន្ត្រីអាណត្តិទី៣ កាលពីថ្ងៃអាទិត្យ ប៉ុន្មានថ្ងៃបន្ទាប់ពីក្រុមចម្រុះដែល កំពុងកាន់អំណាចដឹកនាំដោយបុរសវ័យ ៨៣ ឆ្នាំរូបនេះបានឈ្នះការបោះឆ្នោតសកល បើទោះបីជាគណបក្ស Bharatiya Janata របស់លោកបានបាត់បង់សំឡេង ភាគច្រើនទាំងស្រុងជាលើកដំបូងចាប់តាំងពី លោកបានចូលកាន់តំណែងក្នុងឆ្នាំ ២០១៤។
គណបក្សរបស់លោក មូឌី និងដៃគូរបស់ខ្លួន រួមទាំងគណបក្ស Telugu Desam ដែលទទួលបាន ១៦អាសនៈ បានយល់ព្រមបង្កើតរដ្ឋាភិបាល បន្ទាប់ពីលទ្ធផលផ្លូវការនៃការបោះឆ្នោតសកលចំនួន ៧ដំណាក់កាល ដែលបានចាប់ផ្តើមនៅពាក់កណ្តាលខែមេសា បានបង្ហាញថា ពួកគេបានឈ្នះ ២៩២ អាសនៈក្នុងចំណោម ៥៤៣អាសនៈ ឡើងដើម្បីចាប់យកនៅសភាជាន់ទាប។
ដៃគូមួយទៀតគឺ Janata Dal (United) ដែលបានឈ្នះអាសនៈចំនួន ១២ បានចូលរួមក្នុងជំរុំកាន់អំណាច នៅមុនពេលចាប់ផ្តើមការបោះឆ្នោត បន្ទាប់ពីចាកចេញពីក្រុមចម្រុះប្រឆាំង ដែលមានសភាជាតិឥណ្ឌា និងគណបក្សផ្សេងទៀត។ សម្ព័ន្ធប្រឆាំងទទួលបានអាសនៈ ២៣៣ក្នុងការបង្ហាញខ្លាំងជាងការរំពឹងទុក។
ត្រូវបានតែងតាំងដោយប្រធានាធិបតីលោក Droupadi Murmu លោក មូឌី បានស្បថចូលកាន់តំណែងជានាយករដ្ឋមន្ត្រីទី១៧ របស់ឥណ្ឌានៅក្នុងពិធីមួយ ដែលធ្វើឡើងនៅខាងមុខវិមាន Rashtrapati Bhavan ដែលជាលំនៅដ្ឋានប្រធានាធិបតី។
លោក មូឌី ត្រូវបានគេរំពឹងថា នឹងផ្តោតលើការកែលម្អភាពអត់ការងារធ្វើ និងអតិផរណា ខណៈដែលដំណើរការមិនល្អរបស់ប្លុក ដែលកំពុងកាន់អំណាចត្រូវបានស្តីបន្ទោស លើគម្លាតរវាងអ្នកមាននិងអ្នកក្រនៅក្នុងប្រទេស ដែលសម្រេចបាននូវកំណើន ៨,២ ភាគរយនៃផលិតផលក្នុងស្រុក សរុបកាលពីឆ្នាំសារពើពន្ធមុន៕
ប្រែសម្រួល ឈូក បូរ៉ា
