បរទេស៖ យោងតាមការចេញផ្សាយរបស់ RT សហភាពអ៊ឺរ៉ុបបានយល់ព្រមបញ្ចេញប្រាក់ចំណេញពី ទ្រព្យសកម្មដែលជាប់គាំងរបស់រុស្ស៊ី និងប្រើប្រាស់វាដើម្បីគាំទ្រទីក្រុងគៀវប្រឆាំងនឹងទីក្រុងមូស្គូ នេះបើយោងតាមការអះអាងដោយប្រធានគណៈកម្មការសហភាពអឺរ៉ុបលោកស្រី Ursula von der Leyen បានប្រកាសកាលពីថ្ងៃអង្គារ។
ប្លុកនេះបានយល់ព្រមលើកញ្ចប់ជំនួយថ្មីសម្រាប់អ៊ុយក្រែន ដែលរួមមានកញ្ចប់លុយ១,៩ពាន់លានអឺរ៉ូឬត្រូវជា២ពាន់លានដុល្លារ ពីរោងចក្រអ៊ុយក្រែនរបស់សហភាពអឺរ៉ុប ក៏ដូចជា ១,៥ពាន់លានអឺរ៉ូឬត្រូវជា១,៦ពាន់លានដុល្លារនៅក្នុងប្រាក់ចំណេញដែលបង្កើតចេញពីទ្រព្យសម្បត្តិរបស់រុស្ស៊ីដែលជាប់គាំង។
មូលនិធិនេះត្រូវបានគេរំពឹងថានឹងត្រូវបែងចែកនៅដំណាច់ខែកក្កដា ដែលលោកស្រី von der Leyen បានប្រកាសក្នុងអំឡុងពេលដែលគេហៅថាសន្និសិទការងើបឡើងវិញអ៊ុយក្រែននៅក្រុងប៊ែរឡាំង។
ប្រហែលជា១,៥ពាន់លានអឺរ៉ូពីប្រាក់ចំណេញនឹងអាចរកបាននៅក្នុងខែកក្កដានេះដែល៩០ភាគរយ នៃមូលនិធិទាំងនេះនឹងត្រូវប្រើប្រាស់សម្រាប់វិស័យការពារ ១០ភាគរយសម្រាប់ការកសាងឡើងវិញនៅអ៊ុយក្រែន។
គួរឲ្យដឹងដែរថានៅចុងសប្តាហ៍នេះនៅឯកិច្ចប្រជុំកំពូល G7 ក៏នឹងពិភាក្សាបន្ថែមទៀតពីរបៀបដែលអ៊ុយក្រែនអាចទទួលបានអត្ថប្រយោជន៍កាន់តែលឿនពីប្រាក់ចំណូលនៃទ្រព្យសម្បត្តិរបស់រុស្ស៊ីដែលត្រូវបានរារាំងទាំងនោះផងដែរ៕ ប្រែសម្រួល៖ស៊ុនលី
