បរទេស ៖ យោងតាមការចេញផ្សាយ របស់ RT ក្រុមហ៊ុនថាមពលឯកជន ដ៏ធំបំផុតរបស់អ៊ុយក្រែន បាននិយាយកាលពីថ្ងៃព្រហស្បតិ៍ថា ខ្លួនបានចុះហត្ថលេខាលើកិច្ចព្រមព្រៀង ទូលំទូលាយជាមួយក្រុមហ៊ុន អាមេរិកដើម្បីចែកចាយ ឧស្ម័នធម្មជាតិរាវ (LNG) ទៅកាន់អ៊ុយក្រែន និងអឺរ៉ុបខាងកើត។
កិច្ចព្រមព្រៀងនេះគឺជាកិច្ចព្រមព្រៀងដ៏សំខាន់ដំបូង គេក្នុងការផ្គត់ផ្គង់ប្រេងឥន្ធនៈ supercooled ដល់អ៊ុយក្រែន ខណៈដែលទីក្រុងគៀវ ដើម្បីស្វែងរកការជំរុញសន្តិសុខថាមពលរបស់ខ្លួន និងកាត់បន្ថយការគ្រប់គ្រង ថាមពលរបស់រុស្ស៊ីនៅក្នុងតំបន់។
ក្រុមហ៊ុនបុត្រសម្ព័ន្ធពាណិជ្ជកម្មរបស់ DTEK Group D.Trading ត្រូវបានគេរំពឹងថានឹងទិញទំនិញពីរោងចក្រ LNG ដែលមានមូលដ្ឋាននៅរដ្ឋ Louisiana ដែលដំណើរការដោយក្រុមហ៊ុន នាំចេញថាមពលអាមេរិក Venture Global នេះបើយោងតាមសេចក្តីថ្លែងការណ៍ ដែលចេញផ្សាយដោយក្រុមហ៊ុនអ៊ុយក្រែន។
កាសែត Financial Times បានរាយការណ៍ថា ក្រុមហ៊ុនអ៊ុយក្រែននឹងចាប់ផ្តើមការនាំចូលនៅចុងឆ្នាំនេះ ហើយបន្តទិញប្រេងឥន្ធនៈរហូតដល់ឆ្នាំ២០២៦ ។ លើសពីនេះ ក្រុមហ៊ុន D.Trading នឹងទិញ LNG រហូតដល់ពីរលានតោនក្នុងមួយឆ្នាំសម្រាប់រយៈពេល២០ឆ្នាំពីរោងចក្រ Venture Global មួយផ្សេងទៀត៕
ប្រែសម្រួល៖ស៊ុនលី
