អតីតប្រធានាធិបតីរុស្ស៊ី៖ ការប្រជុំគ្នាដើម្បីសន្តិភាព នៅអ៊ុយក្រែន មើលទៅដូចជា កសិដ្ឋានចិញ្ចឹមសត្វប៉ុណ្ណោះ

បរទេស៖ យោងតាមការចេញផ្សាយរបស់ RT អតីតប្រធានាធិបតីរុស្ស៊ី លោក Dmitry Medvedev បាននិយាយថា សន្និសីទសន្តិភាពអ៊ុយក្រែន ដែលរៀបចំដោយប្រទេសស្វីស បានក្លាយជាព្រឹត្តិការណ៍ខុសប្រក្រតី និងដំណើរការខុសប្រក្រតី ដែលអ្នកចូលរួមមិនមានតម្រុយថា ពួកគេកំពុងធ្វើអ្វីនោះទេ។

សន្និសីទថ្ងៃទី១៥និង១៦ ខែមិថុនានៅសណ្ឋាគារ Burgenstock ក្បែរបឹង Lucerne បានផ្តោតលើបីចំណុចនៃ រូបមន្តសន្តិភាព របស់Vladimir Zelensky រួមទាំងការផ្លាស់ប្តូរអ្នកទោស នុយក្លេអ៊ែរ និងសន្តិសុខស្បៀង។

ផែនការនេះអំពាវនាវឱ្យរុស្ស៊ី ដកខ្លួនចេញពីទឹកដីទាំងអស់ ដែលទាមទារដោយទីក្រុងគៀវ ប៉ុន្តែវាត្រូវបានច្រានចោលដោយ ទីក្រុងម៉ូស្គូថាបានលែងលះពីការពិត។

ប្រទេសរុស្ស៊ីមិនត្រូវបាន អញ្ជើញឱ្យចូលរួមក្នុងព្រឹត្តិការណ៍នេះ ដែលលោកប្រធានាធិបតី Vladimir Putin បានប្រកែកថាគ្រាន់តែជាការប៉ុនប៉ង របស់បស្ចិមប្រទេសដើម្បីបង្កើត ការបំភាន់នៃសម្ព័ន្ធប្រឆាំងរុស្ស៊ីជាសកល និងបង្វែរការយកចិត្តទុកដាក់ ពីមូលហេតុដើមនៃជម្លោះប៉ុណ្ណោះ។

ការសរសេរនៅលើបណ្តាញ Telegram កាលពីថ្ងៃអាទិត្យ លោក Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខ របស់ប្រទេសរុស្ស៊ីបានប្រៀបធៀប កិច្ចប្រជុំកំពូលទៅនឹង កសិដ្ឋានសត្វ មួយប៉ុណ្ណោះ ៕

ប្រែសម្រួល៖ ស៊ុន លី