តូក្យូៈ អ្នកការទូតរូបិយបណ្ណកំពូល របស់ប្រទេសជប៉ុនបានឲ្យដឹងថា ប្រទេសជប៉ុន បានត្រៀមខ្លួនរួចជាស្រេច ដើម្បីចាត់វិធានការសមស្របប្រឆាំង នឹងការផ្លាស់ប្តូររូបិយប័ណ្ណនៅគ្រប់ពេលវេលា ខណៈដែលប្រាក់យ៉េន បានជិតដល់បន្ទាត់ ១៦០ ធៀបនឹងប្រាក់ដុល្លារអាមេរិក ដែលជាកម្រិតមួយដែលពីមុនមកបានជំរុញឲ្យអាជ្ញាធរជប៉ុនចុះអន្តរាគមន៍។
លោក Masato Kanda អនុរដ្ឋមន្ត្រីក្រសួងហិរញ្ញវត្ថុ ទទួលបន្ទុកកិច្ចការអន្តរជាតិបានព្រមានថា ការប្រែប្រួលនៃប្រាក់យ៉េន ហួសហេតុប៉ះពាល់អវិជ្ជមានដល់សេដ្ឋកិច្ច។ លោកបានប្រាប់អ្នកយកព័ត៌មានថា “យើងត្រៀមខ្លួនជាស្រេចដើម្បីចាត់វិធានការសមស្របនៅពេលណាមួយ។
មន្ត្រីជាន់ខ្ពស់ក្រសួង ហិរញ្ញវត្ថុជប៉ុនបានឲ្យដឹងថា ប្រទេសជប៉ុន ត្រៀមខ្លួនជាស្រេច ដើម្បីចាត់វិធានការ សមស្របប្រឆាំងនឹងការផ្លាស់ប្តូរប្រាក់យ៉េននៅ “គ្រប់ពេលវេលា” ខណៈដែលរូបិយប័ណ្ណបានខិតជិតបន្ទាត់ ១៦០ ធៀបនឹងប្រាក់ដុល្លារអាមេរិក ដែលជាកម្រិតមួយ ដែលអាជ្ញាធរ បានធ្វើអន្តរាគមន៍ពីមុន ដើម្បីពន្យឺតការធ្លាក់ចុះ នៃប្រាក់យ៉េន។
លោក Masato Kanda ដែលជាអ្នកការទូត រូបិយបណ្ណកំពូលរបស់ប្រទេស បានសម្តែងការព្រួយបារម្ភ អំពីផលប៉ះពាល់អវិជ្ជមាន នៃការប្រែប្រួលយ៉ាងឆាប់រហ័សនៃប្រាក់យ៉េនលើសេដ្ឋកិច្ច នៅពេលដែលទីផ្សារ មានការប្រុងប្រយ័ត្នថា ប្រតិបត្តិការលក់ប្រាក់ដុល្លារ ជុំមួយទៀតអាចកើតមានឡើង។
ធនាគារកណ្តាលជប៉ុន ក៏កំពុងរក្សាតារាងអំពីរបៀបដែលភាពទន់ខ្សោយរបស់ប្រាក់យ៉េនថ្មីៗនេះប៉ះពាល់ដល់អតិផរណា។ សមាជិកក្រុមប្រឹក្សាភិបាល មួយចំនួនបាននិយាយអំពីតម្រូវការ សម្រាប់ធនាគារកណ្តាល ដើម្បីពិចារណាការដំឡើង អត្រាការប្រាក់ចំពេលមានលទ្ធភាពនៃការបង្កើនល្បឿននៃអតិផរណា នេះបើយោងតាមសេចក្តីសង្ខេបនៃមតិ ដែលបានបង្ហាញនៅក្នុងកិច្ចប្រជុំកំណត់គោល នយោបាយរបស់ខ្លួនកាលពីថ្ងៃទី១៣-១៤ ខែមិថុនា។
លោក Kanda អនុរដ្ឋមន្ត្រីក្រសួងហិរញ្ញវត្ថុ ទទួលបន្ទុកកិច្ចការអន្តរជាតិបានប្រាប់អ្នកយកព័ត៌មានថា “ការប្រែប្រួលហួស ហេតុប៉ះពាល់អវិជ្ជមានដល់សេដ្ឋកិច្ច។ យើងត្រៀមខ្លួនរួចជាស្រេច ដើម្បីចាត់វិធានការសមស្របគ្រប់ពេលវេលា” ។
កាលពីសប្តាហ៍មុន សហរដ្ឋអាមេរិក បានដាក់ប្រទេសជប៉ុនឡើងវិញ នៅក្នុងបញ្ជីតាមដាន ការក្លែងបន្លំរូបិយប័ណ្ណរបស់ខ្លួន ទោះបីជាមន្ត្រីជប៉ុនបានឲ្យដឹងថា ការកំណត់នេះមិនមានន័យថា ទីក្រុងវ៉ាស៊ីនតោន មានបញ្ហាជាមួយនឹងគោលនយោបាយ ប្តូរប្រាក់របស់តូក្យូក៏ដោយ ៕
ប្រែសម្រួល ឈូក បូរ៉ា
