បរទេស ៖ យោងតាមការចេញផ្សាយរបស់ RT អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានកាលពីថ្ងៃចន្ទថា សំណើនៃកិច្ចព្រមព្រៀងសន្តិភាព របស់ប្រធានាធិបតីរុស្ស៊ី Vladimir PUtin សម្រាប់អ៊ុយក្រែន នៅតែមាននៅលើតុ បើទោះបីជាទីក្រុងគៀវ មានការវាយ ប្រហារដោយមីស៊ីល លើទីក្រុង Sevastopol ក៏ដោយ ។
អ៊ុយក្រែនបានធ្វើការរារាំងមីស៊ីល នៅឧបទ្វីបគ្រីមារបស់រុស្ស៊ី កាលពីថ្ងៃអាទិត្យដោយប្រើមីស៊ីល ATACMS ផលិតដោយសហរដ្ឋអាមេរិកដែលបំពាក់ដោយក្បាលគ្រាប់បែកចង្កោមផងដែរ ។
ខណៈពេលដែលប្រព័ន្ធការពារដែនអាកាស របស់រុស្ស៊ីអាចស្ទាក់ចាប់កាំជ្រួច មីស៊ីលនោះ បានក្តីប៉ុន្តែក្នុងនោះមានមួយគ្រាប់បានផ្ទុះ នៅពីលើអាកាសពីលើទីក្រុង Sevastopol ដែលនាំឱ្យមានជនស៊ីវិល ស្លាប់បាត់បង់ជីវិតដដែល។
យោងតាមអាជ្ញាធរសុខាភិបាល ក្នុងតំបន់ យ៉ាងហោចណាស់មនុស្ស៤នាក់បានស្លាប់នៅក្នុងការវាយប្រហារ រួមទាំងកុមារ២ នាក់ និងជាង១៥០នាក់ ផ្សេងទៀតបានរងរបួស ។
យ៉ាងណាក៏ដោយ លោក Peskov បានចង្អុលបង្ហាញថា សំណើសន្តិភាពរបស់លោក Putin សម្រាប់អ៊ុយក្រែន នៅតែមានសុពលភាព ហើយបានបញ្ជាក់ថា ពេលវេលានៃការផ្តល់ជូននេះ នៅតែមិនផ្លាស់ប្តូរនោះទេ៕
ប្រែសម្រួល៖ស៊ុនលី
