បរទេស៖យោងតាមការចេញ ផ្សាយរបស់ RT ក្រសួងការពារជាតិ នៅទីក្រុងមូស្គូ បានរាយការណ៍ថា កងកម្លាំងរុស្ស៊ី បានវាយលុកមូលដ្ឋានទ័ពអាកាសអ៊ុយក្រែន ដែលត្រូវបានកំណត់ សម្រាប់ដាក់យន្តហោះចម្បាំង ដែលផ្គត់ផ្គង់ដោយលោកខាងលិច រួមទាំងយន្តហោះ F-16 ដែលផលិតដោយសហរដ្ឋអាមេរិកនោះផងដែរ។
ក្រសួងបាននិយាយថា យោធារុស្ស៊ី បានបើកការវាយប្រហារ ជាក្រុមកាលពីព្រឹកថ្ងៃព្រហស្បតិ៍ ដោយប្រើប្រាស់ អាវុធរយៈចម្ងាយឆ្ងាយដែលមានមូលដ្ឋានលើសមុទ្រ មីស៊ីល Kinzhal hypersonic និងយន្តហោះគ្មានមនុស្សបើក ដើម្បីវាយប្រហារលើ ហេដ្ឋារចនាសម្ព័ន្ធ អាកាសយានដ្ឋាននៃប្រទេសអ៊ុយក្រែន ដែលគ្រោងនឹងបំពាក់យន្តហោះ មកពីបណ្តាប្រទេស លោកខាងលិចផងដែរ។
គោលដៅនៃការវាយប្រហារ ត្រូវបានសម្រេចដោយ គោលដៅ ដែលបានកំណត់ទាំងអស់ ត្រូវបានវាយប្រហារ តែទោះជាយ់ាងណារុស្សី បានអះអាងបន្ថែម ដោយមិនបានបញ្ជាក់ចំនួន ឬទីតាំងនៃអាកាសយានដ្ឋាន ដែលត្រូវបានវាយប្រហារនោះទេ។
របាយការណ៍នេះកើតឡើងនៅពេលដែលអ្នកគាំទ្រ លោកខាងលិចរបស់ទីក្រុងគៀវ រួមទាំងសហរដ្ឋអាមេរិក បែលហ្សិក ដាណឺម៉ាក ន័រវេស និងហូឡង់ បានសន្យាផ្តល់ឲ្យ អ៊ុយក្រែននូវយន្តហោះ F-16 ដល់ទៅ៦០គ្រឿងនៅចុងឆ្នាំនេះ ទៅឲ្យអ៊ុយក្រែន ទោះយ៉ាងណាមិនទាន់ មានយន្តហោះណាមួយ ត្រូវបានផ្គត់ផ្គង់នៅឡើយទេ៕
ប្រែសម្រួល៖ស៊ុនលី
