តេអេរ៉ង់ ៖ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani បានស្តីបន្ទោសរដ្ឋាភិបាលលោកខាងលិចមួយចំនួន ចំពោះការអនុញ្ញាតឲ្យ “អ្នករំខាន” មួយចំនួន បំភិតបំភ័យ និងប្រមាថអ្នកបោះឆ្នោតអ៊ីរ៉ង់ នៅក្រៅប្រទេស ក្នុងអំឡុងការបោះឆ្នោតប្រធានាធិបតីទី១៤ របស់ប្រទេសនេះ។
លោកបានធ្វើការកត់សម្គាល់នៅក្នុងការបង្ហោះ នៅលើវេទិកាប្រព័ន្ធផ្សព្វផ្សាយសង្គម X បន្ទាប់ពីបុគ្គលប្រឆាំងអ៊ីរ៉ង់ ជាច្រើននាក់ បានយាយីអ្នកបោះឆ្នោត អ៊ីរ៉ង់ នៅការិយាល័យបោះឆ្នោតក្នុងរដ្ឋមួយចំនួន ដូចជាចក្រភពអង់គ្លេស និងអូស្ត្រាលី ដើម្បីរារាំងពួកគេមិនឱ្យ បោះឆ្នោតរបស់ពួកគេ ។
អ្នកនាំពាក្យរូបនេះបានលើកឡើងថា “អ្នកបង្អាក់ដែលកំណត់ខ្លួនថាជាអ្នកប្រឆាំងនឹងការបង្កើតរដ្ឋអ៊ិស្លាម (អ៊ីរ៉ង់) បានប៉ុនប៉ងតាមរយៈការបំភិតបំភ័យ ការប្រមាថ និងអាកប្បកិរិយាអសុរោះ និងពាក្យប្រមាថបំផុត រារាំងជនបរទេសអ៊ីរ៉ង់មិនឱ្យចូលរួមក្នុងដំណើរការប្រជាធិបតេយ្យ”។
លោក Kanaani បានថ្កោលទោស រដ្ឋាភិបាលលោកខាងលិចមួយចំនួន ដែលអះអាងថាជា “លទ្ធិប្រជាធិបតេយ្យជើងឯក” ប៉ុន្តែមិនបានចាត់វិធានការ ផ្លូវច្បាប់ និងការការពារប្រឆាំង នឹងអ្នកដែល “រំលោភលើសិទ្ធិស្របច្បាប់របស់ពលរដ្ឋអ៊ីរ៉ង់”។
លោកបានជំរុញអាជ្ញាធរលោកខាងលិចទាំងនោះឱ្យផ្តល់ការពន្យល់ និងចាត់វិធានការសមស្របដើម្បីឆ្លើយតបទៅនឹងអាកប្បកិរិយាព្រៃផ្សៃ និងខុសច្បាប់បែបនេះ។
ការបោះឆ្នោតប្រធានាធិបតីទី១៤ របស់អ៊ីរ៉ង់ដែលកំណត់ដំបូង សម្រាប់ឆ្នាំ២០២៥ ត្រូវបានកំណត់ពេលឡើងវិញ បន្ទាប់ពីការស្លាប់ដែលមិននឹកស្មាន ដល់របស់អតីតប្រធានាធិបតីលោក Ebrahim Raisi ក្នុងឧទ្ធម្ភាគចក្រ ធ្លាក់កាលពីថ្ងៃទី១៩ ខែឧសភា ៕
ប្រែសម្រួល ឈូក បូរ៉ា
