បរទេស៖ រដ្ឋបាលអាកាសចរណ៍សហព័ន្ធអាមេរិក (FAA) បាននិយាយនៅថ្ងៃច័ន្ទថា យន្តហោះ Boeing 737 ជាង ២.៥០០ គ្រឿង ចាំបាច់ត្រូវត្រួតពិនិត្យ ដោយសារតែបញ្ហាដែលអាចកើតមានជាមួយនឹងម៉ាស៊ីនបង្កើតអុកស៊ីហ្សែនក្នុងហេតុការណ៍បន្ទាន់ អាចនឹងមិនធ្លាក់ចុះនៅកន្លែងអង្គុយរបស់អ្នកដំណើរ។
យោងតាមសារព័ត៌មាន RT ចេញផ្សាយនៅថ្ងៃទី៨ ខែកក្កដា ឆ្នាំ២០២៤ បានឱ្យដឹងថា ក្នុងករណីមានការបាត់បង់សម្ពាធក្នុងកាប៊ីន របាំងអុកស៊ីហ្សែនធ្លាក់ពីថតខាងលើក្បាលអ្នកដំណើរ ។ បន្ទាប់ពីក្រុមហ៊ុន Boeing បានរកឃើញថា ម៉ាស៊ីនមួយចំនួនអាចនឹង មិនដំណើរការដោយសារ តែមានកំហុសជាមួយនឹងខ្សែដែលរក្សា, FAA បានចេញសេចក្តីណែនាំអំពីភាព សក្តិសមនៃយន្តហោះដែលទាមទារ ឱ្យមានការត្រួតពិនិត្យជាបន្ទាន់។
បទបញ្ជានេះប៉ះពាល់ដល់ ម៉ូដែលយន្តហោះ Boeing 737 Max និង Next Generation ចំនួន ២.៦០០ គ្រឿង ។ ក្រុមហ៊ុនអាកាសចរណ៍មាន ពេលចន្លោះពី ១២០ថ្ងៃ ទៅ ១៥០ ថ្ងៃដើម្បីបញ្ចប់ការត្រួតពិនិត្យ និងអនុវត្ត “សកម្មភាពកែតម្រូវ” ប្រសិនបើចាំបាច់ ហើយត្រូវបានហាមឃាត់ មិនឱ្យដំឡើងផ្នែកដែលមានបញ្ហា។
កាលពីថ្ងៃទី១៧ ខែមិថុនា ក្រុមហ៊ុន Boeing បានផ្ញើសារមួយទៅកាន់អតិថិជន របស់ក្រុមហ៊ុនអាកាសចរណ៍ ដែលកំណត់បញ្ហាដែលអាចកើត មានជាមួយនឹងការផ្គត់ផ្គង់អុកស៊ីសែននៅពេលបន្ទាន់។ នៅក្រោមកាលៈទេសៈណាមួយ ក្រុមហ៊ុនផលិតយន្តហោះនេះបាននិយាយថា ខ្សែរឹតនៅលើម៉ាស៊ីនអាចផ្លាស់ប្តូរទៅជាយារបានរហូតដល់ ១,៩ សង់ទីម៉ែត្រ ដែលរារាំងខ្សែទាំងនោះមិនឱ្យដំណើរការបានត្រឹមត្រូវ។ ក្រុមហ៊ុនបានស្តីបន្ទោសចំពោះសារធាតុស្អិតដែលមានកំហុសដែលត្រូវបានណែនាំក្នុងឆ្នាំ ២០១៩ ៕
ប្រែសម្រួលៈ ណៃ តុលា
