យូអិន៖ ក្រុមមនុស្សធម៌ របស់អង្គការសហប្រជាជាតិ ពិពណ៌នាថាជា “ភាពវឹកវរដ៏គ្រោះថ្នាក់” ដែលបំភាន់លើការបញ្ជាជម្លៀស របស់អ៊ីស្រាអែល ទៅកាន់តំបន់ហ្គាហ្សាន ដែលធ្វើឱ្យមនុស្សរាប់ម៉ឺននាក់ផ្លាស់ទីលំនៅ។
លោក Stephane Dujarric អ្នកនាំពាក្យរបស់អគ្គលេខាធិការ អង្គការសហប្រជាជាតិលោក Antonio Guterres បានឲ្យដឹងថា “សហការី របស់យើងមកពីការិយាល័យ សម្របសម្រួលកិច្ចការមនុស្សធម៌ (OCHA) ពិពណ៌នាអំពីការផ្លាស់ ទីលំនៅរបស់មនុស្សរាប់ពាន់នាក់ នៅក្នុងទីក្រុងហ្គាហ្សា ថាមានភាពវឹកវរដ៏គ្រោះថ្នាក់ នេះធ្វើតាមបញ្ជាជម្លៀស អ៊ីស្រាអែលនាពេលថ្មីៗនេះ ដែលណែនាំប្រជាជន ឱ្យចាកចេញ ដែលការប្រយុទ្ធគ្នា កំពុងកើតឡើង ឬតំបន់ដែលបញ្ជាជម្លៀសដាច់ ដោយឡែកត្រូវ បានចេញនៅពេលក្រោយ។”
លោក Dujarric បានលើកឡើងថា ពលរដ្ឋហ្គាហ្សា បានភៀសខ្លួនក្នុង ទិសដៅជាច្រើន ដោយមិនដឹងថា ផ្លូវមួយណាដែលអាច មានសុវត្ថិភាពបំផុតនោះទេ ។ ក្រោមការបាញ់ប្រហារ និងការទម្លាក់គ្រាប់បែក មនុស្សជាច្រើនត្រូវបាន ជម្លៀសចេញ ដោយមានមនុស្សតិចណាស់ក្នុងចំនោមពួកគេ អាចកាន់កាប់ទ្រព្យសម្បត្តិរបស់ពួកគេ។
លោកបានបន្តថា “ជនស៊ីវិលនៅតំបន់ហ្គាហ្សា ត្រូវតែត្រូវបានការពារ និងបំពេញតម្រូវការមូលដ្ឋាន មិនថាពួកគេផ្លាស់ទី ឬស្នាក់នៅឡើយ អ្នកដែលចាកចេញត្រូវ តែមានពេលគ្រប់គ្រាន់ ដើម្បីធ្វើដូច្នេះ ព្រមទាំងផ្លូវដែលមានសុវត្ថិភាព និងកន្លែងដែលមានសុវត្ថិភាពក្នុងការទៅ”។
ប្រភពពី OCHA បានព្រមានថា អរិភាពសកម្មនៅក្នុងតំបន់ កំពុងរារាំងអង្គការជំនួយ ពីការចូលទៅកាន់ឃ្លាំង។ ពួកគេក៏មិនអាចស្តុកទុក ផ្គត់ផ្គង់ឡើងវិញ ឬវាយតម្លៃតម្រូវការរបស់មនុស្សបានដែរ៕
ប្រែសម្រួល ឈូក បូរ៉ា
