កងកម្លាំងការពារដែនអាកាស កោះតៃវ៉ាន់ កំពុងស្ថិតក្នុងការប្រុងប្រយ័ត្ន ក្នុងពេលចិន កំពុងសាកល្បងបាញ់មីស៊ីល

បរទេស៖ ក្រសួងការពារជាតិរបស់កោះតៃវ៉ាន់ បាននិយាយនៅថ្ងៃសៅរ៍ថា ខ្លួនកំពុងតាមដាន “រលក” នៃការធ្វើតេស្តមីស៊ីល ដែលធ្វើឡើងនៅក្នុងតំបន់ភាគខាងជើង របស់ប្រទេសចិន គឺ ម៉ុងហ្គោលី ហើយថាកងកម្លាំងការពារដែនអាកាស របស់ខ្លួនកំពុង ស្ថិតក្នុងការប្រុងប្រយ័ត្ន។

យោងតាមសារព័ត៌មាន Reuters ចេញផ្សាយនៅថ្ងៃទី១៣ ខែកក្កដា ឆ្នាំ២០២៤ បានឱ្យដឹងថា  កោះតៃវ៉ាន់ដែលគ្រប់គ្រងដោយប្រជាធិបតេយ្យ ដែលចិនចាត់ទុកជាទឹកដីរបស់ខ្លួន គឺរក្សាការឃ្លាំមើលយ៉ាងដិតដល់លើរាល់សកម្មភាពយោធារបស់ចិន ដែលបានផ្តល់សកម្មភាពជាប្រចាំ របស់ទីក្រុងប៉េកាំង នៅជុំវិញកោះ ប៉ុន្តែកម្រនឹងបញ្ចេញព័ត៌មានលម្អិតអំពីអ្វីដែលខ្លួន ឃើញកើតឡើងនៅក្នុងប្រទេសចិន។

ក្រសួងបាននិយាយទៀតថា ចាប់ពីម៉ោង ៤ ទៀបភ្លឺ (ម៉ោង 2000 GMT នៅថ្ងៃសុក្រ) ខ្លួនបានរកឃើញ “រលកនៃការបាញ់សាកល្បងជាច្រើន” ដោយកងកម្លាំងរ៉ុក្កែតរបស់ចិននៅម៉ុងហ្គោលី ដែលមានចម្ងាយប្រហែល ២.០០០ គីឡូម៉ែត្រពីកោះតៃវ៉ាន់។

ក្រសួងបាននិយាយថា កងកម្លាំងរបស់តៃវ៉ាន់កំពុងតាមដានការវិវត្តន៍ជាបន្តបន្ទាប់ ហើយកងកម្លាំងការពារដែនអាកាសកំពុងប្រុងប្រយ័ត្ន ប៉ុន្តែមិនបានផ្តល់ព័ត៌មានលម្អិតនោះទេ។

ចំណែកក្រសួងការពារជាតិរបស់ប្រទេសចិន មិនបានលើកទូរស័ព្ទ ដើម្បីស្វែងរកការអត្ថាធិប្បាយក្រៅម៉ោងធ្វើការនោះទេ៕

ប្រែសម្រួលៈ ណៃ តុលា