តូក្យូ៖ មូលនិធិរូបិយវត្ថុអន្តរជាតិបានឲ្យដឹងថាទស្សនវិស័យកំណើនសេដ្ឋកិច្ចសកលឆ្នាំ២០២៤ របស់ខ្លួននៅតែមិនផ្លាស់ប្តូរនៅ ៣,២ ភាគរយដោយព្យាករណ៍ថា ការពង្រីកយឺត សម្រាប់ប្រទេសជប៉ុន និងសហរដ្ឋអាមេរិក ហើយព្យាករណ៍ការងើបឡើងវិញ ដ៏គួរឱ្យកត់សម្គាល់សម្រាប់ប្រទេសចិន។
IMF បានឲ្យដឹងនៅក្នុងរបាយការណ៍ទស្សនវិស័យ សេដ្ឋកិច្ចពិភពលោករបស់ខ្លួនថា “ការភ្ញាក់ផ្អើលពីធ្លាក់ចុះនៅក្នុងប្រទេសជប៉ុននិងសហរដ្ឋអាមេរិក គឺគួរឱ្យកត់សម្គាល់ “ក្នុងរយៈពេល ៣ខែដំបូងនៃឆ្នាំនេះ ខណៈពេលដែលការព្រមានថា សន្ទុះនៃអតិផរណាកំពុងចុះខ្សោយជាសកល និងបង្កើនភាពមិនច្បាស់លាស់នគោលនយោបាយរបស់ប្រទេសនីមួយៗ។
ស្ថាប័ននេះ បានកែប្រែការព្យាករណ៍កំណើនរបស់ប្រទេសជប៉ុនធ្លាក់ចុះ សម្រាប់ឆ្នាំនេះដោយ ០,២ ភាគរយមកត្រឹម ០,៧ ភាគរយខណៈដែលសេដ្ឋកិច្ចរបស់ប្រទេសនេះ ត្រូវបានរងផលប៉ះពាល់ដោយការរំខានការផ្គត់ផ្គង់រថយន្តបណ្តោះអាសន្ន ដែលបណ្តាលមកពីរឿងអាស្រូវសុវត្ថិភាព ពាក់ព័ន្ធនឹងក្រុមហ៊ុនបុត្រសម្ព័ន្ធរបស់ Toyota Motor Corp ។
ការផលិត និងការនាំចេញរថយន្តរបស់ប្រទេសជប៉ុន ក៏ដូចជាការចំណាយដើមទុនត្រូវបានរងផលប៉ះពាល់ដោយរឿងអាស្រូវលើលទ្ធផលតេស្តក្លែងក្លាយដោយក្រុមហ៊ុន Daihatsu Motor Co.ជាការសម្លឹងមើលទៅមុខ IMF បានឲ្យដឹងថា ការដំឡើងប្រាក់ឈ្នួល សម្រាប់អ្នកធ្វើការក្នុងឧស្សាហកម្មធំៗមួយចំនួនក្នុងប្រទេសជប៉ុន
ត្រូវបានគេរំពឹងថា នឹងនាំឱ្យមានការផ្លាស់ប្តូរនៃការប្រើប្រាស់ឯកជន ហើយការព្យាករណ៍របស់ខ្លួនសម្រាប់កំណើនសេដ្ឋកិច្ចឆ្នាំ២០២៥ របស់ប្រទេសនេះមិនមានការផ្លាស់ប្តូរនោះទេ ពោលគឹនៅត្រឹម ១ភាគរយ។
ការព្យាករណ៍កំណើនរបស់សហរដ្ឋអាមេរិកត្រូវបានកែសម្រួលចុះមកត្រឹម ២,៦ ភាគរយក្នុងឆ្នាំ២០២៤ ដែលមួយផ្នែកដោយសារតែការប្រើប្រាស់កម្រិតមធ្យមបើប្រៀបធៀបទៅនឹង ២,៧ ភាគរយនៅក្នុងរបាយការណ៍មុនក្នុងខែមេសា សម្រាប់ឆ្នាំ២០២៥ ដែល IMF បានរក្សាការព្យាករណ៍របស់ខ្លួន សម្រាប់កំណើនរបស់ប្រទេសនេះ នៅត្រឹម ១,៩ភាគរយ៕
ប្រែសម្រួល ឈូក បូរ៉ា
