ប៉េកាំង៖ កាលពីថ្ងៃពុធ ក្រុមអ្នកពន្លត់អគ្គីភ័យនៅក្នុងប្រទេសចិន បានទាញសាកសពបានចំនួន៦នាក់ ចេញពីមជ្ឈមណ្ឌលលក់ទំនិញមួយកន្លែង ហើយប្រព័ន្ធផ្សព្វផ្សាយរដ្ឋបានរាយការណ៍មកថា ដោយមិនទាន់ដឹងច្បាស់ពីចំនួន អ្នកដែលនៅតែជាប់គាំងក្នុងអគារ ក្រោយពីមានអគ្គិភ័យបានឆាបឆេះអគារ១៤ ជាន់នៅឡើយទេ ។
ខ្សែវីដេអូដែលចាក់ផ្សាយដោយទូរទស្សន៍រដ្ឋ CCTV និងចែករំលែកនៅលើប្រព័ន្ធផ្សព្វផ្សាយសង្គម បានបង្ហាញពីផ្សែងខ្មៅដ៏ក្រាស់ហុយចេញពី ផ្នែកខាងលើដែលមានទីតាំងនៅក្រុង Zigong ក្នុងខេត្ត ស៊ីឈួន ភាគនិរតីនៃប្រទេសចិន ។
ទូរទស្សន៍ខាងលើបានផ្សាយថា អគ្គិភ័យបានចាប់ផ្តើមតាំងពីព្រលប់ នៅឯមជ្ឈមណ្ឌលផ្សារទំនើបមួយកន្លែង ដែលផ្តើមចេញពីអគារផ្នែកខាងក្រោមមុនគេ ។
ទូរទស្សន៍ CCTV បានផ្សាយឲ្យដឹងថា មនុស្សប្រហែល៣០នាក់ ត្រូវបានជួយសង្គ្រោះចេញពីផ្សារទំនើប មួយនេះបានជោគជ័យ ដោយភ្លើងក៏ត្រូវបានពន្លត់ដោយក្រុម អ្នកជួយសង្គ្រោះនៅវេលាម៉ោង ៨និង២០នាទីយប់ ត្រូវនឹងម៉ោង១២និង២០នាទីម៉ោងសកល ។
ទូរទស្សន៍ CCTV បានរាយការណ៍មកថា “មនុស្សចំនួន៦នាក់បានស្លាប់” ដោយបានផ្សាយឲ្យដឹងទៀតថា ប្រតិបត្តិការស្វែងរក និងជួយសង្គ្រោះកំពុងបន្តដោយសារ មានមនុស្សនៅជាប់គាំងក្នុងអគារនោះនៅឡើយទេ ៕
ប្រែសម្រួលដោយ៖ ម៉ៅ បុប្ផាមករា
![](https://dap-news.com/wp-content/uploads/2020/08/1-1.png)