បរទេស ៖ យោងតាមការចេញផ្សាយរបស់ RT មនុស្សម្នាក់ ត្រូវបានសម្លាប់បន្ទាប់ ពីការវាយប្រហារ ដោយយន្តហោះគ្មានមនុស្ស បើកមួយទៅលើក្រុង Tel Aviv កាលពីព្រឹកថ្ងៃសុក្រ ។
ហេតុការណ៍វាយប្រហារនេះ បានកើតឡើងនៅ ជិតស្ថានទូតអាមេរិក ក្នុងទីក្រុងអ៊ីស្រាអែលហើយមន្ត្រី សង្គ្រោះបន្ទាន់ក្នុងតំបន់ បាននិយាយថា យ៉ាងហោចណាស់មនុស្ស១០នាក់ផ្សេងទៀតត្រូវបានបញ្ជូនព្យាបាលរបួស។
ទីក្រុងមកដល់ពេលនេះ កំពុងដាក់ឲ្យស្ថិតក្នុងការប្រុងប្រយ័ត្នខ្ពស់ បន្ទាប់ពីការវាយប្រហារ ដោយយន្តហោះគ្មានមនុស្សបើក ហើយពលរដ្ឋត្រូវ បានតម្រូវឱ្យធ្វើតាមការណែនាំជាបន្ទាន់ អភិបាលក្រុង Tel Aviv លោក Ron Huldai បានសរសេរនៅក្នុង សារមួយនៅលើ X ថា៖ សង្គ្រាមនៅតែមាននៅទីនេះ ហើយវាពិបាក នឹងទទួលយកណាស់។
ក្រុមឧទ្ទាម Houthi របស់យេមែន បានប្រកាសទទួលខុសត្រូវ ចំពោះការវាយប្រហារនេះហើយ អ្នកនាំពាក្យរបស់ក្រុមលោក Yahya Saree បាននិយាយថា ប្រតិបត្តិការយោធាដ៏សំខាន់ ត្រូវបានធ្វើឡើងជាមួយ នឹងយន្តហោះគ្មានមនុស្ស បើកថ្មី ដែលមានសមត្ថភាព ឆ្លងកាត់ប្រព័ន្ធស្ទាក់ ចាប់របស់សត្រូវ៕
ប្រែសម្រួល៖ស៊ុនលី
