យេរ៉ូសាឡឹម៖ លោក Daniel Hagari អ្នកនាំពាក្យយោធាអ៊ីស្រាអ៊ែល បានលើកឡើងកាលពីថ្ងៃសុក្រថា
មាន “សញ្ញាកើនឡើង” ដែលលោក Mohammed Deif ជាមេដឹកនាំដ៏សំខាន់នៃយោធារបស់ក្រុម
ហាម៉ាស់ត្រូវបានសម្លាប់នៅក្នុងការវាយប្រហារមួយនៅតំបន់ហ្គាហ្សា កាលពីមួយសប្តាហ៍មុន ។
លោក Hagari បានប្រាប់សន្និសីទសារព័ត៌មានថា លោក Deif កំពុងអង្គុយក្បែរមេបញ្ជាការកងពលតូច Khan Younis របស់ក្រុមហាម៉ាស់ គឺ លោក Raffa Salameh ក្នុងអំឡុងពេលធ្វើការវាយប្រហារតាមផ្លូវអាកាស ។ លោកបានបញ្ជាក់ថា “Salameh ត្រូវបានសម្លាប់ពិតមែន” ។
លោក Hagari បានឲ្យដឹងថា ”ក្រុមហាម៉ាស់ កំពុងលាក់បាំងជោគវាសនារបស់លោក Dief ប៉ុន្តែយើងនឹងស្វែងរក
និងបង្ហាញពីអ្វីដែលបានកើតឡើងចំពោះរូបគាត់” ។
អាជ្ញាធរសុខាភិបាលដែលមានមូលដ្ឋាននៅតំបន់ហ្គាហ្សា បានឲ្យដឹងថា ការវាយប្រហារតាមផ្លូវអាកាសកាលពីថ្ងៃសៅរ៍នៅ Khan Younis បានសម្លាប់ជនជាតិប៉ាឡេស្ទីន តិចបំផុតអស់ចំនួន ៩០នាក់៕
ប្រែសម្រួលដោយ៖ ម៉ៅ បុប្ផាមករា
![](https://dap-news.com/wp-content/uploads/2020/08/1-1.png)