ប៉េកាំង៖ អ្នកនាំពាក្យយោធាចិន បានឲ្យដឹងថា ការប៉ុនប៉ងបំភិតបំភ័យចិន ជាមួយនឹងសមយុទ្ធយោធា ឬវោហាសាស្ត្រឈ្លានពាន នឹងមិនមានប្រសិទ្ធភាពឡើយ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Zhang Xiaogang អ្នកនាំពាក្យក្រសួងការពារជាតិបានធ្វើការកត់សម្គាល់ក្នុងការឆ្លើយតបទៅនឹងការស៊ើបអង្កេតរបស់ប្រព័ន្ធផ្សព្វផ្សាយអំពីសមយុទ្ធចម្រុះជាតិសាសន៍ “RIMPAC-2024” ដែលដឹកនាំដោយសហរដ្ឋអាមេរិក ដែលត្រូវបានអ្នកខ្លះជឿថាជាសកម្មភាពនៃការបង្ហាញសាច់ដុំប្រឆាំងនឹងប្រទេសចិន។
លោកបានលើកឡើងថា យោធាចិន នឹងមិនដែលត្រូវបានបំភាន់ដោយការបោកបញ្ឆោត រារាំងដោយការបំភិតបំភ័យ ឬការបង្ខិតបង្ខំដោយសម្ពាធនោះទេ ដោយបន្ថែមថា ខ្លួនមានការដោះស្រាយ សមត្ថភាព និងមធ្យោបាយដើម្បីកម្ចាត់អ្នកឈ្លានពានទាំងអស់ និងការពារអធិបតេយ្យភាពជាតិ សន្តិសុខ និងផលប្រយោជន៍អភិវឌ្ឍន៍របស់ប្រទេសចិន៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)