បរទេស៖ គណៈកម្មាធិការថវិការបស់សភាអាមេរិក បានប្រកាសកាលពីថ្ងៃចន្ទថា សហរដ្ឋអាមេរិកបានឈានដល់ “ដំណាក់កាលមិនប្រាកដប្រជាមួយផ្សេងទៀត” ជាមួយនឹងបំណុលជាតិរបស់ខ្លួនលើសពីចំនួន ៣៥ ពាន់ពាន់លានដុល្លារ។
យោងតាមសារព័ត៌មាន RT ចេញផ្សាយនៅថ្ងៃទី២៩ ខែកក្កដា ឆ្នាំ២០២៤ បានឱ្យដឹងថា ប្រធានគណៈកម្មាធិការមកពី ខាងគណបក្សសាធារណរដ្ឋលោក Jodey Arrington (R-TX) បានចាត់ទុកការអភិវឌ្ឍន៍នេះថាជា “ព្រឹត្តិការណ៍ដ៏គួរឱ្យព្រួយបារម្ភ” ដោយជំរុញឱ្យមានការទទួលខុសត្រូវផ្នែកសារពើពន្ធ និងការចំណាយបន្ថែមទៀត ដើម្បីដោះស្រាយកំណើនបំណុលជាតិ ដែលកំពុងកើនឡើង។
លោក Arrington បាននិយាយនៅក្នុងសេចក្តីថ្លែងការណ៍មួយថា “ថ្ងៃនេះ យើងសោកស្ដាយចំពោះព្រឹត្តិការណ៍ ដែលមិនប្រាកដប្រជាមួយផ្សេងទៀត នៅក្នុងការធ្លាក់ចុះសារពើពន្ធ នៃប្រទេសដ៏មានឥទ្ធិពល និងវិបុលភាពបំផុតក្នុងប្រវត្តិសាស្ត្រ” ដោយលោកបានបង្ហាញក្តីសង្ឃឹមថា គណបក្សសាធារណរដ្ឋ នឹងអាចបន្ធូរបន្ថយស្ថានការណ៍បាន ប្រសិនបើលោក Donald Trump ឈ្នះការបោះឆ្នោតខែវិច្ឆិកាខាងមុខ។
លោកថា ខ្ញុំជឿថាការដឹកនាំរបស់ គណបក្សសាធារណរដ្ឋនៅឆ្នាំ២០២៥ គឺជាក្តីសង្ឃឹមដ៏ល្អបំផុតចុងក្រោយ របស់យើងក្នុងការស្ដារឡើងវិញ នូវការទទួលខុសត្រូវសារពើពន្ធ មុនពេលវាយឺតពេល។
បំណុលជាតិរបស់អាមេរិក បានកើនឡើងយ៉ាងខ្លាំង ក្នុងរយៈពេលប៉ុន្មានឆ្នាំចុងក្រោយនេះ ក្រោមការដឹកនាំរបស់ប្រធានាធិបតី Joe Biden និងអតីតប្រធានាធិបតីលោក Trump ដែលបានសន្យាម្តងហើយម្តងទៀតថា នឹងកាត់បន្ថយវាក្នុងអំឡុងពេលយុទ្ធនាការឆ្នាំ ២០១៦ របស់គាត់។
នៅពេលដែលលោក Trump ចាកចេញពីតំណែង បំណុលបានកើនឡើងចំនួន ៨,៤ ពាន់ពាន់លានដុល្លារ ដល់ ២៧,៧ ពាន់ពាន់លានដុល្លារ ជាមួយនឹងជាងពាក់កណ្តាលនៃកម្ចី គឺទាក់ទងនឹងវិធានការទាក់ទងនឹង Covid។ និន្នាការនេះបានបន្តនៅក្រោមលោក Biden ដោយប្រធានាធិបតីដែលកំពុងកាន់អំណាច បច្ចុប្បន្ននេះបានបំបែកកំណត់ត្រាដល់ទៅ ៣៥ ពាន់ពាន់លានដុល្លារ។ ខណៈពេលដែលអត្រាការប្រាក់កម្ចីបានធ្លាក់ចុះបន្តិច ក្នុងកំឡុងពាក់កណ្តាលទីមួយនៃ ការកាន់កាប់របស់លោក Biden បើប្រៀបធៀបទៅនឹងសម័យលោក Trump ឥឡូវនេះពួកគេបានបង្កើនល្បឿន ដោយសហរដ្ឋអាមេរិកបានបន្ថែមចំនួន ១ពាន់ពាន់លានដុល្លារ បន្ថែមទៀតដល់បំណុលរបស់ខ្លួននៅឆ្នាំនេះតែឯង។
យោងតាមការគណនា របស់គណៈកម្មាធិការថវិកាសភា, បំណុលពេលនេះស្មើនឹង ១០៤.៤៩៧ដុល្លារ ក្នុងមនុស្សម្នាក់ និង ២៦៦.២៧៥ ដុល្លារក្នុងគ្រួសារ ។ ក្នុងរយៈពេល ១២ ខែកន្លងមក បំណុលបានកើនឡើងចំនួន ២,៣៥ លានលានដុល្លារ ជាមួយនឹងអត្រានៃការកើនឡើងស្មើនឹង ៧៤.៤០១ដុល្លារ នៅក្នុងបំណុលថ្មីក្នុងមួយវិនាទី ៕
ប្រែសម្រួលៈ ណៃ តុលា
