បរទេស៖យោងតាមការចេញផ្សាយរបស់ RT អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រជាជនរុស្ស៊ី ដែលបានភៀសខ្លួនចេញពីប្រទេស ដោយសារតែជម្លោះអ៊ុយក្រែន និងទទួលបាននាមជាសត្រូវរបស់ទីក្រុងមូស្គូ គួរតែនៅឱ្យឆ្ងាយប៉ុន្តែនិយាយថា បន្ថែមថា អ្នកដែលចាកចេញ ប៉ុន្តែមិនបានតាំងខ្លួនជាសត្រូវរបស់រុស្ស៊ី គួរតែត្រឡប់មកវិញ។
ការលើកឡើងនេះត្រូវបានធ្វើឡើងក្នុងអំឡុងពេលសម្ភាសន៍ កាលពីថ្ងៃព្រហស្បតិ៍ជាមួយវិទ្យុ Komsomolskaya Pravda ។លោកអ្នកនាំពាក្យបានបញ្ជាក់បែបនេះថា៖ ខ្ញុំជឿថាសត្រូវទាំងអស់គួរតែនៅក្រៅប្រទេស ហើយអ្នកដែលមិនមែនជាសត្រូវគួរតែត្រលប់មកវិញ ដោយសង្កត់ធ្ងន់ថា នេះជាទស្សនៈផ្ទាល់ខ្លួនរបស់គាត់។
សេចក្តីថ្លែងការណ៍របស់លោក Peskov បានបន្លឺឡើងនូវការកត់សម្គាល់ដែលគាត់បានធ្វើនៅក្នុងខែមីនា នៅពេលដែលគាត់បាននិយាយថា អ្នកដែលចាកចេញពីប្រទេសនេះ បានយកឈ្មោះខ្លួនឯងចូលក្នុងបញ្ជីជាសត្រូវនៃប្រទេសរបស់រុស្សីរួចទៅហើយ។
ប្រធានាធិបតីរុស្ស៊ី លោក Vladimir Putin ក៏បានថ្លឹងថ្លែងលើបញ្ហានេះនៅពេលនោះផងដែរ ដោយនិយាយថា អាកប្បកិរិយាចំពោះអ្នកដែលត្រឡប់ទៅស្រុកកំណើតវិញ គឺអាស្រ័យលើទង្វើរបស់ពួកគេ។
រំលឹកដែរថាការប្រកាសរបស់ Putin អំពីប្រតិបត្តិការយោធាពិសេសក្នុងខែកុម្ភៈ ឆ្នាំ២០២២ បានជំរុញឲ្យប្រជាជនរុស្ស៊ីជាច្រើនចេញទៅក្រៅប្រទេស។
បទបញ្ជារបស់ប្រធានាធិបតីក្នុងការចល័តទ័ព មួយផ្នែកនៃអ្នកកក់ទុកក្នុងខែកញ្ញា ឆ្នាំ២០២២ ក៏បានបង្កឱ្យមានរលកថ្មីនៃការចាកចេញផងដែរ ដោយពលរដ្ឋរុស្ស៊ីជាច្រើនជ្រើសរើស ធ្វើដំណើរទៅកាន់ប្រទេសកាហ្សាក់ស្ថាន កៀហ្ស៊ីស៊ីស្ថាន ហ្សកហ្ស៊ី និងអាមេនី ដែលមិនតម្រូវឱ្យមានទិដ្ឋាការសម្រាប់ទៅទស្សនាជនជាតិរុស្ស៊ីនោះទេ៕
ប្រែសម្រួល៖ស៊ុនលី
