បេរូត៖ នាយករដ្ឋមន្ត្រីលីបង់ លោក Najib Mikati បានព្រមានថា ស្ថានភាពក្នុងតំបន់អាចនឹងប្រឈមនឹងការកើនឡើង និងអាចនាំឱ្យមានហានិភ័យផ្ទុះសង្គ្រាមកាន់តែខ្លាំង នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Mikati បានធ្វើការកត់សម្គាល់នេះ ក្នុងអំឡុងដំណើរទស្សនកិច្ចរបស់លោកទៅកាន់ទីបញ្ជាការកងទ័ពលីបង់ ដើម្បីប្រារព្ធទិវាកងទ័ពលើកទី៧៩ ដែលត្រូវនឹងថ្ងៃទី០១ ខែសីហា ជារៀងរាល់ឆ្នាំ។
យោងតាមសេចក្តីថ្លែងការណ៍ ដែលចេញដោយការិយាល័យរបស់គាត់ លោក Mikati បានចង្អុលទៅការអភិវឌ្ឍន៍ក្នុងតំបន់គួរឱ្យព្រួយបារម្ភ ដែលបង្ហាញពីការកើនឡើងនៃកម្រិតគ្រោះថ្នាក់ និងការពង្រីករបស់វាពីតំបន់មួយទៅតំបន់មួយទៀត ក្នុងអំឡុងពេលទស្សនកិច្ចនេះ។
លោកបានលើកឡើងថា “ប្រជាជនរបស់យើងនៅភាគខាងត្បូង Bekaa និងនៅជាយក្រុងភាគខាងត្បូងនៃទីក្រុងបេរូត នៅតែប្រឈមមុខនឹងការវាយប្រហាររបស់អ៊ីស្រាអែល ដែលបានបន្សល់ទុកទុក្ករបុគ្គលរាប់រយនាក់ និងរងរបួស ប្រជាពលរដ្ឋ ទាហាន និងយុទ្ធជនតស៊ូ និងគ្រួសារជនភៀសខ្លួន ដែលបានបាត់បង់ផ្ទះសម្បែង និងទ្រព្យសម្បត្តិរបស់ពួកគេ។
លោកបានបន្ថែមថា “យើងបញ្ជាក់ពីសិទ្ធិរបស់យើងក្នុងការការពារទឹកដី អធិបតេយ្យភាព និងសេចក្តីថ្លៃថ្នូររបស់យើង តាមគ្រប់មធ្យោបាយ ដែលមាន ហើយគ្មានការស្ទាក់ស្ទើរក្នុងជម្រើសនេះទេ ទោះបីជាការលះបង់ដ៏ធំអស្ចារ្យប៉ុណ្ណាក៏ដោយ”។
លោកបានកត់សម្គាល់ថា “យើងបានជូនដំណឹងដល់បងប្អូនស្រី និងប្រទេសជាមិត្តរបស់យើងថា យើងជាអ្នកតស៊ូមតិសន្តិភាព និងមិនមែនសង្រ្គាម ហើយយើងស្វែងរកស្ថិរភាពជាអចិន្ត្រៃយ៍ដោយការស្ដារឡើងវិញនូវផ្នែក ដែលកាន់កាប់នៅភាគខាងត្បូងប្រទេសរបស់យើង”៕
ប្រែសម្រួល ឈូក បូរ៉ា
