បរទេស៖ យោងតាមការចេញផ្សាយរបស់ RT ទាហានអ៊ុយក្រែនម្នាក់ដែល ត្រូវបានចាប់ខ្លួននៅតំបន់ Kursk ចំពេលការវាយលុកឆ្លងព្រំដែន ដែលកំពុងបន្តរបស់ក្រុងគៀវ បានអះអាងថាទាហានស៊ីឈ្នួលបរទេសកំពុងប្រយុទ្ធ ដើម្បីអ៊ុយក្រែននៅលើទឹកដីរុស្ស៊ី។
វីដេអូនៃបទសម្ភាសន៍ជាមួយនឹង អ្នកជាប់ឃុំត្រូវបានបញ្ចេញ ដោយទីភ្នាក់ងារសន្តិសុខសហព័ន្ធរុស្ស៊ី ហៅកាត់ថា FSB កាលពីថ្ងៃចន្ទហើយ ទីភ្នាក់ងារនេះបានអះអាងថា បុរសដែលបានបង្ហាញក្នុងវីដេអូនោះត្រូវបានចាប់បាន ដោយមានជំនួយពីអ្នកស្រុកក្នុងតំបន់ Kursk ។
យោធាដែលជាជនជាតិអ៊ុយក្រែន បានកំណត់អត្តសញ្ញាណខ្លួនឯងថា ជាសមាជិកអាយុ ២៦ឆ្នាំនៃកងពលតូចទ័ពអាកាសទី៨០ របស់អ៊ុយក្រែនដែលកំពុងចូលរួម ក្នុងការវាយលុកនេះ។
បុរសដែលត្រូវបានគេដឹងទៀតថា មានឈ្មោះ Ruslan Poltoratsky បាននិយាយថាគាត់បានលឺសំលេងវិទ្យុបរទេស ជាលើកដំបូងនៅពេលឆ្លងកាត់ព្រំដែនរុស្ស៊ី ហើយដំបូងគិតថាវាជាការជ្រៀតជ្រែក មួយចំនួនរួចទៅហើយ។
គាត់បន្តថា៖ពួកគេនិយាយជាភាសាអង់គ្លេស ប៉ូឡូញ ប្រហែលជាបារាំង។ ខ្ញុំអត់យល់ទេ គេហៅវិទ្យុមកនិយាយវិញហើយឮតែប៉ុណ្ណឹង និងបានធ្វើការឆ្លើយតប ទៅវិញទៅមកជាប់ជានិច្ច។
ក្រោយមកគាត់បានសន្និដ្ឋានថា ការទំនាក់ទំនងនោះគឺនៅក្នុងស្រុក ដោយសារតែក្រោយមកទើបគាត់ដឹងថា ក៏មានមន្ត្រីយោធាអ៊ុយក្រែន កំពុងឆ្លើយតបជាមួយគ្នាផងដែរ៕
ប្រែសម្រួល៖ ស៊ុន លី
