បរទេស៖យោងតាមការចេញផ្សាយរបស់ RT ដែលបានដកស្រង់ព័ត៌មានចេញពីកាសែតកាសែត Financial Times បានរាយការណ៍ថា ទាហានអ៊ុយក្រែនដែលបានចូលឈ្លានពានតំបន់ Kursk របស់រុស្ស៊ី បានខាតបង់យ៉ាងខ្លាំងទាំងជីវិតយោធា និងរថយន្តដែលផ្តល់ដោយលោកខាងលិច។
ទាហានបានប្រាប់មជ្ឈមណ្ឌលព័ត៌មានថា ការវាយប្រហារដែលបានចាប់ផ្តើមកាលពីថ្ងៃអង្គារសប្តាហ៍មុនទាក់ទងនឹងអង្គភាពដែលដកចេញពីកងពលតូចជួរមុខអ៊ុយក្រែនចំនួន៦ហើយ ពួកគេក៏បានអះអាងថាបានចាប់ជនជាតិរុស្សីដោយការភ្ញាក់ផ្អើល ប៉ុន្តែបានរងការបាញ់ប្រហារ យ៉ាងឆាប់រហ័សពីយន្តហោះគ្មានមនុស្សបើក និងគ្រាប់បែកប្រភេទ FAB ផងដែរ។
យោងតាម FT បានឱ្យដឹងថា ការប៉ាន់ប្រមាណ របស់ជនជាតិរុស្ស៊ីជាង១,៦០០នាក់ដែលត្រូវបានសម្លាប់គឺ មិនអាចផ្ទៀងផ្ទាត់បាននិងជារឿងបំផ្លើស នេះបើយោងតាម FT ដែលទោះជាយ៉ាងណាក៏ដោយបានរាយការណ៍ថា រថយន្តសង្គ្រោះបន្ទាន់ និងរថពាសដែកជាច្រើនបានប្រញាប់ប្រញាល់ទៅ និងពីជួរខាងមុខ ។
យោងតាមការបញ្ជាក់ដោយទាហាន គោលដៅនៃប្រតិបត្តិការនេះគឺដើម្បីដណ្តើមយកទឹកដីរុស្ស៊ីធ្វើជាឧបករណ៍សម្រាប់ចរចា និងបង្ខំឱ្យទីក្រុងម៉ូស្គូបង្វែរកងទ័ពចេញពីតំបន់ Donbass ។
គួរឲ្យដឹងដែរថាកងកម្លាំងអ៊ុយក្រែនបានបាត់បង់រថ ពាសដែកចំនួន៧០គ្រឿងគិតត្រឹមថ្ងៃអាទិត្យ បើយោងតាមការប៉ាន់ប្រមាណក្រៅផ្លូវការរបស់រុស្សីដែលកំពុង ធ្វើការជុំគ្នានៅលើប្រព័ន្ធផ្សព្វផ្សាយសង្គម ដែលអះអាងថានេះគឺជាកំណត់ត្រាសម្រាប់មួយថ្ងៃចាប់តាំងពីជម្លោះបានកើនឡើងក្នុងខែកុម្ភៈ ឆ្នាំ២០២២៕
ប្រែសម្រួល៖ស៊ុនលី
