បរទេស ៖ យោងតាមការចេញផ្សាយរបស់ RT រដ្ឋាភិបាលអាល្លឺម៉ង់ បាននិយាយថា ការវាយប្រហារ តាមអាកាស នៃកងកម្លាំងយោធាអ៊ីស្រាអែល ហៅកាត់ថា IDF ទៅលើសាលារៀន Tabeen ក្នុងតំបន់ ហ្គាហ្សា ដែលត្រូវបានគេរាយការណ៍ថា បានសម្លាប់ជនជាតិប៉ាឡេស្ទីន ចំនួន១០០នាក់ គឺជាការការពារខ្លួនដោយស្របច្បាប់ ដោយសារតែក្រុមហាម៉ាស ប្រើប្រាស់ជនស៊ីវិលជាខែលការពារមនុស្ស ។
ការវាយប្រហារ កាលពីថ្ងៃសៅរ៍លើកន្លែង ដែលបម្រើជាជម្រកសម្រាប់ជនភៀសខ្លួន ត្រូវបានគេពណ៌នាថា ជាការសម្លាប់មនុស្សច្រើនបំផុតចាប់តាំងពីការចាប់ផ្តើមនៃជម្លោះបច្ចុប្បន្ន ។
លោក Wolfgang Buechner ដែលជាអ្នកនាំពាក្យរង របស់រដ្ឋាភិបាលអាល្លឺម៉ង់ បានប្រាប់អ្នកយកព័ត៌មាន នៅទីក្រុងប៊ែរឡាំងកាលពីថ្ងៃចន្ទថា៖អ៊ីស្រាអែលមានសិទ្ធិការពារខ្លួន ការពិតគឺថាក្រុមហាម៉ាស ប្រើប្រាស់សាលារៀន មន្ទីរពេទ្យ និងសាលាមត្តេយ្យ ជាមជ្ឈមណ្ឌលបញ្ជា ហើយប្រជាជននៅតំបន់ហ្គាហ្សាស្ទ្រីប ក៏ត្រូវបានបំពានប្រឆាំង នឹងឆន្ទៈរបស់ពួកគេជា ខែលការពារផងដែរ។
លោកBuechner ក៏បានជំរុញអ្នកកាសែត ឱ្យប្រយ័ត្នខ្ពស់ចំពោះការអង្គុយលើរបាយការណ៍ម្ខាង ដែលត្រូវបានចែកចាយដោយក្រុម Hamas និងជឿលើអ្វីគ្រប់យ៉ាងដែលត្រូវបានផ្សព្វផ្សាយនៅខាងលើនេះដែរ។
ការវាយប្រហារតាមអាកាសនៅព្រឹកថ្ងៃសៅរ៍ បានកើតឡើងក្នុងអំឡុងពេលអធិស្ឋាន មុនថ្ងៃរះហើយ ក្រសួងសុខាភិបាលហ្កាហ្សាបានរាយការណ៍ដំបូងថាមនុស្សស្លាប់៦០នាក់និងរបួស៤៧នាក់ ដែល ក្រោយមកកាសែត Al Jazeera បានរាយការណ៍ថា មានមនុស្សស្លាប់ជាង១០០នាក់ និង រាប់សិបនាក់ទៀតរងរបួស ៕
ប្រែសម្រួល៖ស៊ុនលី
