ម៉ូស្គូៈ ក្រសួងការពារជាតិរុស្ស៊ី បានឲ្យដឹងនៅថ្ងៃសុក្រនេះថា យោធារុស្ស៊ី បានវាយលុកដោយប្រើគ្រាប់មីស៊ីល ជាក្រុមនៅលើស្ពាន គ្រីមៀ និងការវាយប្រហារដោយ យន្តហោះគ្មានមនុស្សបើក នៅលើសមុទ្រខ្មៅពេញមួយយប់ទៀតផង ។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថា “ព័ន្ធការពារអាកាសបានវាយលុកការវាយប្រហារ ជាក្រុមដោយមីស៊ីលប្រតិបតិ្តការ ATACMS ដែលផលិតដោយសហរដ្ឋអាមេរិកចំនួន១២ នៅលើស្ពាន គ្រីមៀ នៅពេលយប់ ហើយគ្រាប់មីស៊ីលទាំងអស់ត្រូវបានបំផ្លាញ” ។
នៅព្រឹកថ្ងៃដដែលនេះ ក្រសួងបានបញ្ជាក់ថា អ៊ុយក្រែន បានបើកការវាយប្រហារដោយ យន្តហោះគ្មានមនុស្សបើក នៅសមុទ្រខ្មៅកាលពីយប់ ហើយប្រព័ន្ធការពារដែនអាកាស របស់ខ្លួនបានស្ទាក់ចាប់ និងបំផ្លាញយន្តហោះគ្មានមនុស្សបើក របស់អ៊ុយក្រែនចំនួន៥គ្រឿងនៅលើសមុទ្រខ្មៅ ។
ឧទ្ធម្ភាគចក្ររុស្ស៊ី បានបំផ្លាញទូកគ្មានមនុស្សបើក របស់អ៊ុយក្រែនចំនួន៥គ្រឿង នៅក្នុងសមុទ្រខ្មៅដែលធ្វើដំណើរ ឆ្ពោះទៅតំបន់គ្រីមៀ ៕
ប្រែសម្រួលដោយ៖ ម៉ៅ បុប្ផាមករា
