តូក្យូ៖ សមាជិកសភាគណបក្សកាន់អំណាចមកពីប្រទេសជប៉ុន និងតៃវ៉ាន់ បានព្រមព្រៀងគ្នាកាលពីថ្ងៃពុធថា ពួកគេរួបរួមគ្នាក្នុងការប្រឆាំងរបស់ពួកគេចំពោះការប៉ុនប៉ងឯកតោភាគីក្នុងការផ្លាស់ប្តូរស្ថានភាពបច្ចុប្បន្នតាមរយៈការបង្ខំ ឬការបង្ខិតបង្ខំ ដោយលើកឡើងពីអាកប្បកិរិយាអះអាងរបស់ប្រទេសចិន ខណៈដែលពួកគេបានពិភាក្សាអំពីបញ្ហាសន្តិសុខ និងការទូត។
សមាជិកសភាមកពីគណបក្សប្រជាធិប តេយ្យសេរីរបស់ជប៉ុន និងគណបក្សវឌ្ឍនភាពប្រជាធិបតេយ្យ តៃវ៉ាន់បានចែករំលែកទស្សនៈថា ភាពអាសន្ននៅតៃវ៉ាន់នឹងប៉ះពាល់ដល់ប្រទេសជប៉ុន និងផ្ទុយមកវិញ នេះបើយោងតាមលោក Hisayuki Fujii សមាជិក LDP ដែលបានចូលរួមកិច្ចប្រជុំនៅទីស្នាក់ការ កណ្តាលរបស់គណបក្សនៅទីក្រុងតូក្យូ។
ជប៉ុន និងតៃវ៉ាន់ចែករំលែកក្តីបារម្ភអំពីចលនាឈ្លានពានរបស់ចិននៅសមុទ្រចិនខាងកើត និងច្រកសមុទ្រតៃវ៉ាន់នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
កិច្ចសន្ទនាដែលមានការចូលរួមពីសមាជិកបក្សកាន់អំណាច ដែលទទួលខុសត្រូវលើកិច្ចការបរទេស និងការទូត ត្រូវបានធ្វើឡើងជាលើកដំបូងចាប់តាំងពីប្រធានាធិបតីតៃវ៉ាន់លោក Lai Ching-te ឡើងសោយរាជ្យជំនួសលោកស្រី Tsai Ing-wen ដែលអ្នកទាំងពីរមកពី DPP កាលពីខែឧសភា។
នៅក្នុងកិច្ចប្រជុំនេះ ពួកគេបានផ្លាស់ប្តូរទស្សនៈ ស្តីពី “សង្គ្រាមព័ត៌មាន” ដែលរួមមានព័ត៌មាន មិនពិតដែលសំដៅ លើកោះតៃវ៉ាន់ និងការឆ្លើយតប ដែលអាចធ្វើទៅ បានរបស់សហរដ្ឋអាមេរិក ក្នុងករណីមានឧប្បត្តិហេតុនៅតៃវ៉ាន់។
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)