បរទេស៖ យោងតាមការចេញផ្សាយរបស់ RT មន្ត្រីរដ្ឋាភិបាលជាន់ខ្ពស់មួយរូបបានព្រមានកាលពីថ្ងៃព្រហស្បតិ៍ថា ប្រទេសហុងគ្រីអាចបង់ប្រាក់សម្រាប់អ្នកស្វែងរកសិទ្ធិជ្រកកោនដើម្បីធ្វើដំណើរទៅកាន់អឺរ៉ុបខាងលិចជាជាងស្នាក់នៅក្នុងប្រទេសរបស់ខ្លួន។
លោក Gergely Gulyas ដែលជាប្រធានការិយាល័យតំណាងឲ្យនាយករដ្ឋមន្ត្រីហុងគ្រីលោក Viktor Orban បានហៅផែនការនេះថាជាការឆ្លើយតបដ៏មានសក្តានុពលចំពោះការដាក់ទណ្ឌកម្មលើប្រទេសហុងគ្រីដោយតុលាការយុត្តិធម៌អឺរ៉ុប (ICJ)។
កាលពីខែមុន តុលាការបានចេញការផាកពិន័យ ២០លានអឺរ៉ូ ឬត្រូវជា ២១៦លានដុល្លារ ប្រឆាំងនឹងទីក្រុង Budapest សម្រាប់ការមិនគោរពតាមច្បាប់របស់ EU ស្ដីពីជនភៀសខ្លួន និងប្រាក់ពិន័យបន្ថែមចំនួន ១លានអឺរ៉ូ ក្នុងមួយថ្ងៃសម្រាប់ការបន្តផ្គើនអនុវត្តបែបនេះបន្តទៀត។
លោក Gulyas បានប្រាប់អ្នកកាសែតថា៖ យើងនឹងផ្តល់ឱកាសឱ្យជនចំណាកស្រុកទាំងអស់នៅព្រំដែនហុងគ្រី ដឹកជញ្ជូនទៅកាន់ទីក្រុងប្រ៊ូស៊ែល ដោយស្ម័គ្រចិត្ត និងឥតគិតថ្លៃ។ប្រសិនបើទីក្រុងប្រ៊ុចសែលចង់បានជនចំណាកស្រុក ន៉ោះពួកគេនឹងអាចទទួលបានជាមិនខាន។
គួរឲ្យដឹងដែរថានាយករដ្ឋមន្ត្រីហុងគ្រី Orban ពីមុនបានថ្កោលទោសសេចក្តីសម្រេចរបស់តុលាការថាជា ការខឹងសម្បារ និងមិនអាចទទួលយកបាន ហើយបាននិយាយថាទីក្រុង Budapest នឹងរកវិធីដើម្បីឆ្លើយតបណាមួយជាមិនខាន៕
ប្រែសម្រួល៖ ស៊ុនលី
