បរទេស៖ យោងតាមការចេញផ្សាយរបស់ RT រដ្ឋាភិបាលអាមេរិកបានប្រកាសដាក់ទណ្ឌកម្មបុគ្គល និងក្រុមហ៊ុនជិត៤០០ នៅក្នុងប្រទេសរុស្ស៊ី និងជុំវិញពិភពលោកបន្ថែមទៀតហើយក្នុងក៏មាន រួមទាំងកូនប្រុសរបស់រដ្ឋមន្ត្រីការពារជាតិរុស្ស៊ី Andrey Belousov និងភរិយាផងដែរ។
ក្រសួងការបរទេស និងរតនាគារជាតិអាមេរិកបានប្រកាសវិធានការនេះកាលពីថ្ងៃសុក្រ នៅមុនថ្ងៃឯករាជ្យរបស់អ៊ុយក្រែន ដើម្បីបង្ហាញពីការគាំទ្របន្តរបស់ក្រុងវ៉ាស៊ីនតោនចំពោះក្រុងគៀវ ក្នុងជម្លោះជាមួយក្រុងម៉ូស្គូ។ ទណ្ឌកម្មក៏បានពង្រីកដល់អង្គភាព និងបុគ្គលនៅអាស៊ី អឺរ៉ុប និងមជ្ឈិមបូព៌ាផង។
ដោយគោរពតាមការអនុវត្តការដាក់ទណ្ឌកម្មសមាជិកគ្រួសាររបស់មន្ត្រីរុស្ស៊ី សហរដ្ឋអាមេរិកបានដាក់ក្នុងបញ្ជីខ្មៅឈ្មោះ Pavel Belousov និងប្រពន្ធរបស់គាត់ឈ្មោះ Yevgenya ក៏ដូចជាក្រុមហ៊ុនប្រឹក្សាយោបល់ក្នុងភាពជាម្ចាស់របស់ពួកគេ។ ឪពុករបស់ Belousov លោក Andrey បានក្លាយជារដ្ឋមន្ត្រីការពារជាតិរុស្ស៊ីក្នុងខែឧសភា។
យោងតាមការបញ្ជាក់ដោយរតនាគារជាតិគេជឿជាក់ថា មានបណ្តាញផ្សេងគ្នាជាច្រើន ដែលមានបុគ្គល និងអង្គភាពជាង ១០០ នៅទូទាំង ១៦យុត្តាធិការ រួមទាំងប្រទេសចិន ស្វីស តួគី និងអេមីរ៉ាតអារ៉ាប់រួម។ គួរកត់សម្គាល់ថាក្រុមហ៊ុនចំនួន១៨ ដែលមានមូលដ្ឋាននៅទីក្រុងហុងកុងត្រូវបានចោទប្រកាន់ថាមានទំនាក់ទំនងជាមួយឧស្សាហកម្មយោធារុស្ស៊ីដែរ៕
ប្រែសម្រួល៖ ស៊ុនលី
