វ៉ាស៊ីនតោន៖ លោកស្រី កាម៉ាឡា ហារីស ដែលជាបេក្ខភាពប្រជាធិបតេយ្យ សម្រាប់ការប្រជែងតំណែងប្រធានាធិបតីសហរដ្ឋអាមេរិក បានជំរុញអ្នកបោះឆ្នោតឱ្យ “រៀបចំផ្លូវថ្មីមួយឆ្ពោះទៅមុខ” ជាមួយគ្នា ខណៈពេលដែលបង្ហាញសេចក្តីថ្លែងការណ៍គោលនយោបាយការបរទេសលម្អិតបំផុតរបស់លោកស្រីរហូតមកដល់បច្ចុប្បន្ន រួមទាំងការសន្យាថា នឹងមិនមានភាពស្និទ្ធស្នាលជាមួយមេដឹកនាំកូរ៉េខាងជើងលោក គីម ជុងអ៊ុន មិនដូចគូប្រជែងរបស់លោកស្រីគឺលោក ដូណាល់ ត្រាំ នោះទេ។
លោកស្រី ហារីស ដែលជាអនុប្រធានាធិបតីសហរដ្ឋអាមេរិក ដែលកំពុងអង្គុយក្នុងតំណែងនោះបានបិទសន្និបាតជាតិរយៈពេល ៤ថ្ងៃ របស់គណបក្សប្រជាធិបតេយ្យនៅទីក្រុង Chicago ដោយបានឡើងឆាក ដើម្បីទទួលយកការតែងតាំងរបស់ខ្លួន និងណែនាំខ្លួនឡើងវិញ ចំពោះអ្នកបោះឆ្នោតយ៉ាងច្រើននៅទូទាំងប្រទេស។
ក្នុងអំឡុងពេលសុន្ទរកថារយៈពេល ៤០នាទី របស់លោកស្រី ហារីស បានដាក់ចេញនូវគោលនយោបាយជាច្រើនជាលើកដំបូងចាប់តាំងពីយុទ្ធនាការរបស់លោកស្រី ត្រូវបានចាប់ផ្តើមកាលពីមួយខែមុន បន្ទាប់ពីប្រធានាធិបតីលោក ចូ បៃដិន បានបោះបង់ចោលការដេញថ្លៃរបស់លោកសម្រាប់អាណត្តិទីពីរ ដោយសារតែការព្រួយបារម្ភអំពីអាយុ និងការថយចុះឱកាសនៃការចាញ់លោក ត្រាំ ដែលជាអ្នកស្នងតំណែងមុនរបស់លោក បៃដិន។
លោកស្រី ហារីស បានបញ្ជាក់យ៉ាងច្បាស់ថា សហរដ្ឋអាមេរិក ប្រសិនបើជាប់ឆ្នោតជាប្រធានាធិបតី នឹងបន្តអះអាងពីភាពជាអ្នកដឹកនាំពិភពលោករបស់ខ្លួន ខណៈពេលដែលបង្ហាញពីជំហររបស់នាងលើកិច្ចការបរទេស និងសន្តិសុខជាតិ លោកស្រី បានសង្កត់ធ្ងន់លើតម្រូវការក្នុងការពង្រឹងសម្ព័ន្ធភាព និងធានាថាសហរដ្ឋអាមេរិកតែងតែមាន “កម្លាំងប្រយុទ្ធដ៏ខ្លាំងបំផុត និងដ៍សាហាវបំផុតនៅក្នុងពិភពលោក” ៕
ប្រែសម្រួល៖ ឈូក បូរ៉ា
