បរទេស៖ ចាប់តាំងពីដើមខែសីហាមក ការដេញថ្លៃដីលក់ឡៃឡុង នៅតាមបណ្តាស្រុកនានានៅជាយក្រុងហាណូយ ប្រទេសវៀតណាម បានបន្តទាក់ទាញអ្នកចូលរួមយ៉ាងច្រើនជាមួយនឹងពាក្យសុំរាប់ពាន់។ នៅទីក្រុង Hoai Duc នាថ្ងៃទី ១៩ ខែសីហា ដីរាប់សិបកន្លែងនៅឃុំ ធានយ៉េន ត្រូវបានឈ្នះក្នុងតម្លៃជាង ១០០ លានដុងក្នុង ១ ម៉ែត្រការ៉េ , ដីខ្ពស់បំផុតគឺរហូតដល់ ១៣៣,៣ លានដុង – ស្មើរនឹងផ្ទះវីឡា និងផ្ទះនៅតំបន់ជុំវិញទីក្រុងមួយចំនួន។
យោងតាមសារព័ត៌មាន VN EXPRESS ចេញផ្សាយនៅថ្ងៃទី២៥ ខែសីហា ឆ្នាំ២០២៤ បានឱ្យដឹងថា ស្រុកតំបន់ខាងលិចនេះក៏ជាតំបន់មួយក្នុងចំណោមតំបន់ដែលមានគម្រោងជាបន្តបន្ទាប់ ជាមួយនឹងផ្ទះវីឡា និងផ្ទះដែលបោះបង់ចោលរាប់ពាន់ខ្នង។
គម្រោងមជ្ឈមណ្ឌល Son Dong ដែលមានចម្ងាយជាង ៣ គីឡូម៉ែត្រពីដីនៅស្រុក ធានយ៉េន ខេត្ត ហ្គាងនីង គឺជាឧទាហរណ៍មួយ។ ការសាងសង់បានចាប់ផ្តើមកាលពី៤ឆ្នាំមុន ប៉ុន្តែរហូតមកដល់ពេលនេះ ផ្ទះនៅទីនេះភាគច្រើននៅតែគ្មានអ្នកស្នាក់នៅឡើយ។
គម្រោងនេះមានមាត្រដ្ឋាន ២,៥ ហិចតា រួមទាំង ១៥០ ផ្ទះល្វែង ផ្ទៃដី ៦៥-១០០ m2 ។ កាលពីដើមឆ្នាំនេះ វិនិយោគិនបានបើកការលក់ចុងក្រោយនៃផ្ទះល្វែងរាប់សិបចុងក្រោយ។
នៅលើការផ្ទេរទីផ្សារ, ផ្ទះដែលមានទីតាំងនៅខាងក្នុងមានតម្លៃជាង ១០០ លានដុងក្នុងមួយម៉ែត្រការ៉េ។ ផ្ទះកែងមួយចំនួនដែលស្ថិតនៅលើផ្លូវជាតិត្រូវបានលក់ក្នុងតម្លៃរហូតដល់ ១៦០-១៨០ លានដុងក្នុងមួយម៉ែត្រការ៉េ។ ដូច្នេះហើយ តម្លៃសរុបនៃផ្ទះល្វែងមួយនៅខាងក្នុងនៅទីនេះអាចស្មើនឹងដីមួយកន្លែងដែលទើបតែដាក់ដេញថ្លៃនៅឃុំ ធានយ៉េន។
មានតែយូនីតពីរបីនៅសងខាង នៃគម្រោង ប៉ុណ្ណោះដែលត្រូវបានជួល ជាការិយាល័យឈ្មួញកណ្តាលអចលនទ្រព្យ និងអាជីវកម្មវត្ថុសាសនា ។
នៅជាប់នឹងសំណង់កណ្តាលនៃស្រុក Hoai Duc គឺជាតំបន់ទីក្រុងថ្មីភាគខាងជើង នៃផ្លូវជាតិលេខ ៣២ (Lideco) ដែលមានទីតាំងនៅខ្សែសង្វាក់ នៃតំបន់ទីក្រុងរណប ដែលតភ្ជាប់គ្នានៅតំបន់ភាគខាងលិច នៃទីក្រុងហាណូយ។ គម្រោងនេះមានវីឡាទោលជិត ៦៥០ និងផ្ទះជាង ១៣០ល្វែង ដែលអនុវត្តតាំងពីឆ្នាំ ២០០៧ ។
ផ្នែកមួយនៃគម្រោងត្រូវបានបញ្ចប់ និងប្រគល់ជាងមួយទសវត្សរ៍មុន។ បច្ចុប្បន្ន តំបន់ទីក្រុងនេះមានហេដ្ឋារចនាសម្ព័ន្ធបច្ចេកទេសពេញលេញ តំបន់កម្សាន្ត មជ្ឈមណ្ឌលលក់ទំនិញ និងសាលារៀន។ ទោះជាយ៉ាងណា ផ្ទះវីឡា និងទីប្រជុំជនជាច្រើននៅតែគ្មានមនុស្សនៅ នៅឡើយ ៕
ប្រែសម្រួលៈ ណៃ តុលា
